استانادا كۇن كۇرت سۋىتىپ، قاتتى جەل سوعادى - قازگيدرومەت

استانا. قازاقپارات - ەلورداعا تسيكلون كەلە جاتىر. وسىعان قاراي استانادا اۋا تەمپەراتۋراسى كۇرت تومەندەيدى، دەپ حابارلادى بۇگىن ەلوردا اكىمدىگىنىڭ مەديا ورتالىعى.

«قازگيدرومەت ورتالىقتىڭ» حابارلاۋىنشا، 5 -قىركۇيەك استانادا نايزاعاي ويناپ، بۇرشاق جاۋىپ، وڭتۇستىك- شىعىستان سەكۋندىنا 15-20 مەتر بولاتىن قاتتى جەل ەسەدى دەپ كۇتىلۋدە.

اۋا رايى 6-7 -قىركۇيەك كۇندەرى كۇرت سالقىندايدى دەپ بولجانۋدا.

سينوپتيكتەر بۇگىن ساعات 18:00 دار شاماسىندا ر ف ۋفا قالاسىنان تسيكلون قوستاناي وبلىسىنا تاياعانىن ناقتىلادى. ارى قاراي شىعىس باعىتىندا اقمولا وبلىسىنىڭ باتىسىنا ويىستى. 5 -قىركۇيەك تاڭەرتەڭ 06:00-دە اقمولا وبلىسىنىڭ باتىس بولىگىنە جىلجيدى. سول سەبەپتى جاڭبىر جاۋىپ، نايزاعاي جارقىلدايدى.

جاڭبىردىڭ كوپ مولشەردە تۇسۋىنە بايلانىستى ەلوردا كوشەلەرىن، جەكە تۇرعىن ءۇي سەكتورلارىن، جەراستى وتكەلدەرىن سۋ باسۋى ىقتيمال، سونداي- اق جەلدىڭ ەكپىنى قاتتى بولاتىندىقتان اعاشتار قۇلاۋى مۇمكىن. وسىعان بايلانىستى قالانىڭ كوممۋنالدىق قىزمەتى كۇشەيتىلگەن رەجيمدە جۇمىس ىستەيدى.

استانا باسشىلىعى ەلوردا تۇرعىندارى مەن قوناقتارىن قاۋىپسىزدىك شارالارىن بارىنشا مۇقيات ساقتاۋعا شاقىرادى جانە كۇتپەگەن جەردەن توتەنشە جاعداي ورىن العان جاعدايدا، 109 قالالىق ءبىرىڭعاي قىزمەتىنە دەرەۋ حابارلاسۋدى سۇرايدى.