07:16, 05 - قىركۇيەك 2017 | GMT +6
قىتايلىقتار «قايرات» فۋتبول كلۋبىنا قىزىعۋشىلىق تانىتتى
استانا. قازاقپارات - الداعى ۋاقىتتا قولعا الىناتىن ىنتىماقتاستىق شارالارىنىڭ اياسىندا «قايرات» فۋتبول كلۋبىن قىتاي حالىق رەسپۋبليكاسىنىڭ باس كونسۋلىنىڭ مىندەتىن اتقارۋشى مياو حۋنبو كورىپ قايتتى، دەپ حابارلايدى sports.kz.
مياو حۋنبونىڭ ايتۋىنشا، ول الماتىلىق كلۋبتىڭ ويىندارىن ۇدايى قاداعالاپ وتىرادى جانە «قايرات» كومانداسىنىڭ جەتەكشى ويىنشىلارى باۋىرجان يسلامحان مەن اندرەي ارشاۆيننىڭ ويىندارىن ەرەكشە ىقىلاسپەن كورەدى.
سونداي-اق مەيماننىڭ ايتۋىنشا، قىتاي تاراپى ۇزاقمەرزىمدى ىنتىماقتاستىق ورناتۋدى كوزدەپ وتىر، ونىڭ اياسىندا ءوزارا تاجىريبە الماسىپ، بىرلەسكەن شارالار ۇيىمداستىرۋدى ءجون كورەدى. قوناققا وسىعان دەيىن ءوزى كورگەن كلۋبتىڭ نەگىزگى بازاسى دا قاتتى ۇناعان.
