قازاقستاندا العاشقى «جاسىل» وبليگاتسيالار شىعارىلادى
«العاشقى قادامدار وتە ماڭىزدى بولماق. ءبىز مۇندا العاشقى «جاسىل» وبليگاتسيالاردى قالاي شىعارۋ قاجەتتىگىن ءتۇسىنۋ ءۇشىن استانا اكىمدىگىمەن بىرلەسە جۇمىس ىستەپ جاتىرمىز. الداعى 12 ايدا ءدال وسى ماسەلەمەن اينالىساتىن بولامىز»، - دەدى ورتالىق باسشىسى قايرات كەلىمبەتوۆ استانادا وتكەن «جاسىل» قارجى جۇيەسىنىڭ تۇجىرىمداماسىن ازىرلەۋ تۋرالى كونفەرەنتسيادا.
ول جاقىندا عانا قۇرىلعان «استانا» حالىقارالىق قارجى ورتالىعىنىڭ (ا ح ق و) ەكسپو-2017 كورمەسى اۋماعىندا ورنالاساتىنىن ەسكە سالدى.
كەلىمبەتوۆتىڭ ايتۋىنشا، اعىلشىن قۇقىعىنا نەگىزدەلگەن رەتتەۋشى بازا قۇرىلدى. حالىقارالىق تاۋەلسىز تورەلىك سوتتاردى قۇرۋ جۇمىستارى دا اياقتالىپ كەلەدى. سونىمەن بىرگە، ەكى ويىنشىسى بار جاڭا بيرجا قۇرىلىپ جاتىر: امەريكالىق NASDAQ بيرجاسى IT- پلاتفورمامەن قامتاماسىز ەتىپ، ا ح ق و سەرىكتەستەرىنىڭ بىرىنە اينالادى، ال شانحاي بيرجاسى قۇرىلىپ جاتقان بيرجانىڭ اكتسيونەرى بولۋعا دايىن ەكەنىن حابارلادى.
