ءداستۇرلى «التىن توبىلعى» ادەبيەت بايقاۋى وتەدى
سىياقىنىڭ جالپى قورى - 5,5 ميلليون تەڭگە. بايقاۋدىڭ نەگىزگى ماقساتى - ۇلتتىق ادەبيەتتە جاڭا ەسىمدەردى قالىپتاستىرۋ جانە جاس قالامگەرلەردىڭ ومىرلىك فيلوسوفياسىن كورسەتەتىن قازىرگى زامانعى ادەبيەتكە قوعامنىڭ قىزىعۋشىلىعىن ارتتىرۋ بولىپ تابىلادى. جوبانىڭ سەرىكتەستەرى - قازاقستان جازۋشىلار وداعى جانە مەملەكەتتىك ءتىلدى دامىتۋ قورى. ق ر تۇڭعىش پرەزيدەنتى - ەلباسى قورى «التىن توبىلعى» ادەبيەت سىيلىعىن العاش رەت 2015 -جىلى تاعايىنداعان. بايقاۋ قازاقستاننىڭ جاس تالانتتارىن قولداۋعا باعىتتالعان جانە ولاردىڭ ادەبيەت سالاسىنداعى شىعارماشىلىق الەۋەتىن كوپشىلىككە تانىمال ەتۋگە مۇمكىندىك بەرەدى. جاس اقىن- جازۋشىلار، پروزايكتەر مەن دراماتۋرگتەردىڭ جاڭا ەسىمدەرى ەلگە تانىمال بولىپ، شىعارمالارى قازىرگى زامانعى ادەبيەتتە لايىقتى ورىنعا يە بولادى. بايقاۋعا ەلىمىزدىڭ 18-35 جاس ارالىعىنداعى جاس دارىندار قاتىسا الادى جانە بۇدان بۇرىن ەش جەردە جاريالانباعان تۋىندىلار عانا قابىلدانادى.
«التىن توبىلعى» سىيلىعى «ۇزدىك پروزا» ، «ۇزدىك پوەزيا» ، «ۇزدىك دراماتۋرگيا» ، «ۇزدىك بالالارعا ارنالعان شىعارما» سياقتى ءتورت نوميناتسيا بويىنشا تاعايىندالعان. ءاربىر نوميناتسيانىڭ جەڭىمپازىنا 1 ميلليون تەڭگە سىياقى بەرىلەدى. سونىمەن قاتار، بيىلعى جىلى ق ر پرەزيدەنتى ن. ءا. نازاربايەۆتىڭ «بولاشاققا باعدار: رۋحاني جاڭعىرۋ» اتتى ماقالاسىنداعى ماقساتتاردى جۇزەگە اسىرۋعا ارنالعان ارنايى تاقىرىپتىق نوميناتسيا جاريالاندى. بۇل «تۋعان ەل» نوميناتسياسى بويىنشا سىياقى 1,5 ميلليون تەڭگە كولەمىندە بەلگىلەندى. شىعارمالاردى ەلىمىزدىڭ تانىمال مادەنيەت قايراتكەرلەرى، اقىن- جازۋشىلار مەن جۋرناليستەرىنەن قۇرالعان قازىلار القاسى ساراپتايتىن بولادى. بايقاۋعا ۇسىنىلعان جۇمىستار جانرعا سايكەستىك، ويلاۋ دەربەستىگى، اۆتورلىق ۇستانىم، بايانداۋ رەتتىلىگى مەن ماعىنالىلىعى، يدەيا ەرەكشەلىگى، ادەبي- كوركەم قۇندىلىعى، كوركەمدىك قيال مەن شىعارماشىلىق كوزقاراس، ەستەتيكالىق اسەر تەرەڭدىگى سياقتى ولشەمدەر بويىنشا باعالانادى. بايقاۋعا ۇسىنىلعان تۋىندىلاردى باعالاۋ ادىلدىگى بارىنشا جەتىلدىرىلگەن. شىعارما لاقاپ اتپەن قابىلدانىپ، ساراپتاۋ كەزىندە قازىلار القاسى شىعارمالار اۆتورلارىنىڭ ەسىمدەرىن بىلمەيتىن بولادى.
وتىنىمدەر 2017 -جىلعى 1 - شىلدە مەن 1 - قاراشا ارالىعىندا قابىلدانادى. جەڭىمپازدار ەسىمى (سىيلىق لاۋرەاتتارى) 2017 ج. جەلتوقسان ايىندا جاريالانادى. سىيلىق بايقاۋ نەگىزىندە تومەندەگىدەي نوميناتسيالار بويىنشا تاعايىندالادى: 1) «جىلدىڭ ۇزدىك پروزاسى» ؛ 2) «جىلدىڭ ۇزدىك پوەزياسى» ؛ 3) «جىلدىڭ ۇزدىك دراماتۋرگياسى» ؛ 4) «جىلدىڭ بالالارعا ارنالعان ۇزدىك شىعارماسى» ؛ 5) «تۋعان ەل» تاقىرىبىنا ارنالعان ۇزدىك ادەبي تۋىندى. ءاربىر نوميناتسيا جەڭىمپازىنا ادەبيەت سالاسىنداعى «التىن توبىلعى» سىيلىعىنىڭ لاۋرەاتى اتاعى جانە 1 ميلليون تەڭگە كولەمىندە سىياقى بەرىلەدى. 1,5 ميلليون تەڭگە كولەمىندەگى ارنايى سىياقى «تۋعان ەل» ارنالعان تاقىرىپتىق نوميناتسيا جەڭىمپازىنا بەرىلەدى. شىعارمالار 2017 -جىلعى 1 - شىلدەدەن مەن 1 - قاراشاعا دەيىنگى ارالىقتا قابىلدانادى. بايقاۋ قورىتىندىسى 2017 -جىلى جەلتوقساننىڭ ءبىرىنشى ونكۇندىگىندە جاريالانادى. سىيلىققا ادەبي تۋىندىلاردى ۇسىنۋ ءتارتىبى بايقاۋعا 18-35 جاس ارالىعىنداعى جاس قالامگەرلەردىڭ قازاق جانە ورىس تىلىندەگى شىعارمالارى قابىلدانادى. ءبىر اۆتور ەكى نوميناتسياعا قاتىسۋعا قۇقىلى.
اۆتورلىق جۇمىستارعا قويىلاتىن تالاپتار: 1) بايقاۋعا ءبىر اۆتوردىڭ بۇرىن ەش جەردە جاريالانباعان ەكى شىعارماسى عانا قابىلدانادى؛ 2) بايقاۋعا بەينورمالىق قولدانىستاعى سوزدەر كەزدەسەتىن، ەتيكالىق نورمالار مەن اۆتورلىق قۇقىقتار بۇزىلعان شىعارمالار قابىلدانبايدى؛ 3) شىعارما ا-4 فورماتىندا، ءماتىن 14 كولەمىندەگى Times New Rوman شريفتىمەن 1,5 ارالىقتا تەرىلۋى كەرەك.
ءماتىننىڭ كولەمىنە قويىلاتىن شەكتەۋ: - پروزا ءۇشىن - 35 بەتتەن كەم ەمەس؛ - پوەزيا ءۇشىن - 5 بەتتەن كەم ەمەس؛ - درامالىق شىعارما ءۇشىن - 30 بەتتەن كوپ ەمەس؛ - بالالار ادەبيەتى ءۇشىن - 25 بەتتەن كوپ ەمەس؛ - «تۋعان ەل» تاقىرىبىنا ارنالعان ءتۇرلى جانرداعى ادەبي شىعارما (پروزا - 35 بەتتەن كەم ەمەس؛ پوەما - 5 بەتتەن كەم ەمەس؛ دراما - 30 بەتتەن كوپ ەمەس؛ بالالار شىعارماسى - 25 بەتتەن كەم ەمەس؛ ) .
بايقاۋعا جىبەرىلەتىن ءوتىنىم «التىن توبىلعى» دەپ بەلگى قويىلىپ ءبىر كونۆەرتپەن مىناداي تارتىپپەن جىبەرىلۋى كەرەك: كونۆەرتكە بولەك سالىناتىندار 1) اۆتوردىڭ اتى- ءجونى كورسەتىلمەي ءبىر دانادا باسىپ شىعارىلعان شىعارما، 2) اۆتوردىڭ ءوزى تۋرالى مالىمەتتەر وسى كونۆەرتتىڭ ىشىندە جەكە كونۆەرتتە بولۋى ءتيىس: اتى، تەگى، اكەسىنىڭ اتى، تۋعان جىلى، تۇرعىلىقتى مەكەنجايى، بايلانىس تەلەفوندارى، e-mail. وتىنىمدەر پوشتامەن استانا قالاسى، ءا. بوكەيحان كوشەسى، 10 ءۇي، قازاقستان رەسپۋبليكاسىنىڭ تۇڭعىش پرەزيدەنتى - ەلباسىنىڭ قورى مەكەنجايىنا جانە at2017@fpp.kz ەلەكتروندىق پوشتاسىنا جىبەرىلۋى ءتيىس.
