ەلباسى تەرگەۋ جايلى: ادامعا قىسىم كورسەتۋدىڭ ايلاسى ءالى بار
«(...) سوت جۇيەسىندە قاجەتتىڭ بارلىعى قامتىلعان. ەندى حالىق ءوز ماسەلەسىن شەشۋ ءۇشىن اكىمدىككە بارماي، ماعان جازاتىن بولسا نەمەسە سوتقا باراتىن بولسا، وندا سۋديالاردىڭ بەدەلى جوعارىلايدى. وندا سىزدەردى ءبىر جەتىستىككە جەتتى دەپ سانايمىز. ال، پوليتسيا جايلى ايتار بولساق، مۇندا ىستەيتىن دۇنيەلەر كوپ»، - دەدى نازاربايەۆ.
«ءبىز قىلمىستىق كودەكسكە، اكىمشىلىك كودەكسكە وزگەرتۋلەر ەنگىزدىك، ءبىراق تەرگەۋ ماسەلەسىندە ادامعا قىسىم كورسەتۋدىڭ ايلاسى ءالى بار. ادام نە قورعاۋشى پروتسەستىڭ باسىنان باستاپ قاتىسۋى كەرەك. مىسالى ءبىر ادامدى اقشا جىمقىردى دەپ ايىپتايدى، ءبىراق تەرگەۋشىدە قاجەتتى دەرەك جوق... وسىلايشا ونى ايىپتى ەتۋ ءۇشىن، ونىڭ ايەلى ءۇي ساتىپ الدى دەگەن سياقتى جالا جابادى. وسى دەرەكپەن سوتتاۋعا كىرىسەدى. بۇل ناعىز شەكتەن شىققاندىق. مۇنى تەرگەۋشىلەر ىستەيدى، سەبەبى ءىستىڭ باسىنان اياعىنا دەيىن باقىلاۋ جوق. قازىرگى ۋاقىتتا ءبىز وسى ماسەلەنى شەشۋ ماقساتىندا جۇمىس ىستەپ جاتىرمىز»، - دەدى پرەزيدەنت.
Tengrinews.kz