پرەزيدەنت ەسىموۆ پەن كەلىمبەتوۆتىڭ قانداي قىزمەتكە تاعايىندالاتىنىن ايتتى
«2017 -جىلى ەكسپو كورمەسى ءبىزدىڭ ەل ءۇشىن وتە ماڭىزدى شارا بولدى. ءبىز بۇكىل الەمگە قازاقستاننىڭ جانە استانامىزدىڭ مۇمكىندىكتەرىن كورسەتتىك. ۇلكەن يميدجدىك جۇمىس اتقاردىق دەپ ايتا الامىز. ءبىز سىزدەرمەن بىرگە كورمەنىڭ جابىلۋى بويىنشا ۇلكەن شاراعا قاتىسامىز. بىردەن حالىقارالىق قارجى ورتالىعى جۇمىسىن باستاپ كەتۋى ءتيىس. ءتىپتى كونستيتۋتسياعا دا وزگەرىستەر ەنگىزدىك»، - دەدى پرەزيدەنت پارلامەنت پالاتالارىنىڭ بىرلەسكەن وتىرىسىندا.
«ۇكىمەت تۇرعىزىلعان نىسانداردىڭ جۇمىس ىستەپ كەتۋىنە جاۋاپتى. قاي عيمارات كىمگە بەرىلەتىنى شەشىلۋى كەرەك. ماسەلەن، ەكى ءىرى نىسان حالىقارالىق قارجى ورتالىعىنا بەرىلەدى. ءبىر ءىرى ورتالىقتى قازاقستاننىڭ تۇراقتى كورمەسى رەتىندە جاسايمىز. ول جەردە بارلىق وڭىرلەر، كاسىپورىندار ءوز جەتىستىكتەرىن كورسەتەتىن بولادى»، - دەدى پرەزيدەنت.
وسىدان كەيىن مەملەكەت باسشىسى ەسىموۆ پەن كەلىمبەتوۆكە دە توقتالدى.
«احمەتجان سماعۇل ۇلى ءارقايسىن ورىن- ورىنىنا قويعانشا وسى كورمەنىڭ پرەزيدەنتى قىزمەتىن جالعاستىرادى. حالىقارالىق قارجى ورتالىعى باسشىلىعىنا تاعايىندالعان كەلىمبەتوۆ بارىنشا بەلسەندى جۇمىس ىستەۋى ءتيىس»، - دەدى نازاربايەۆ.