نۇرسۇلتان نازاربايەۆ جاڭادان سايلانعان سەنات دەپۋتاتتارى جۇمىسىنا سەنىم ءبىلدىردى
«قۇرمەتتى دەپۋتاتتار، بارشاڭىزدى جاڭا پارلامەنتتىك ماۋسىمنىڭ باستالۋىمەن شىن جۇرەگىمنەن قۇتتىقتايمىن! وسى ارادا ەلدى ارالاپ، حالىقتىڭ الدىندا سويلەپ، كوپ جۇمىس جاسادىڭىزدار. ەندى جاڭا كۇشپەن ءارى ويمەن، جاڭا سەسسيانى باستاعالى وتىرمىز. وزدەرىڭىز بىلەسىزدەر، 28 - ماۋسىمدا سەنات دەپۋتاتتارىنىڭ سايلاۋى ءوتىپ، پارلامەنتتىڭ جوعارى پالاتاسىنىڭ قۇرامى كونستيتۋتسيا بويىنشا جاڭاردى. اتاپ ايتقاندا، بارلىق وڭىرلەردە سايلاۋ ءوتتى، الدىمىزداعى التى جىلدىڭ ىشىندە ولار سول سەنىمدى اقتاپ، حالىققا قىزمەت ەتەتىن بولادى. سوندىقتان جاڭادان سايلانعان حالىق قالاۋلىلارىن قىزمەتتەرىمەن قۇتتىقتاپ، تابىس تىلەيىك»، - دەدى ق ر پرەزيدەنتى.
مەملەكەت باسشىسى بيىل قازاقستاندا جاڭعىرۋدىڭ جاڭا كوكجيەكتەرى اشىلىپ، ىرگەلى ۇدەرىستەردى جۇيەلى تۇردە ىسكە اسىرۋ باستالعانىن اتاپ ءوتتى.
«جاڭعىرۋ ءۇردىسى نەگىزگى ءۇش سالا: ەكونوميكالىق، ساياسي جانە رۋحاني باعىتتار بيىنشا وربۋدە. ءاربىر مەملەكەت وسى ءۇش ماسەلەنى نازاردا ۇستاپ، وركەندەيتىن بولادى. بۇل رەفورمانىڭ نەگىزىندە ءبىز «قازاقستان-2050» ستراتەگياسىنداعى ماقساتتارىمىزعا جەتەمىز. تۇپكى ماقساتىمىز - وتىز وركەندەپ وسكەن ەلدىڭ اراسىندا بولۋ»، - دەدى ن. نازاربايەۆ.
اۆتور: رۋسلان عابباسوۆ