10:17, 04 - قىركۇيەك 2017 | GMT +6
قازاقستان بوكسشىلارى الەم چەمپيوناتىنان ەلگە ورالدى
استانا. قازاقپارات - گەرمانيانىڭ گامبۋرگ قالاسىندا وتكەن 2017 - جىلعى بوكستان الەم چەمپيوناتىنا قاتىسقان قازاقستان كومانداسى 4 - قىركۇيەك كۇنى تاڭدا استاناعا كەلىپ قوندى، دەپ حابارلايدى ق ب ف باسپا ءسوز قىزمەتى.
ءبىزدىڭ سپورتشىلار 6 مەدال ولجالادى. جالعىز التىن مەدالدى شىمكەنتتىك ورەن قايرات ەراليەۆ ەنشىلەدى.
«وليمپيادادان كەيىن بوكس قۇراماسى 70 پايىز جاڭاردى. سول سەبەپتى وتە جاقسى ونەر كورسەتتىك، - دەيدى ۇلتتىق قۇرامانىڭ باس باپكەرى مىرزاعالي ايتجانوۆ الەم بىرىنشىلىگىن قورىتىندىلاي. - جۇمىس ىستەيتىن تۇستار دا بار، ءبىراق ءبىزدىڭ قوسالقى قۇرام وتە مىقتى. توكيوعا كىلەڭ شىڭدالعان جىگىتەردەن جاساقتالعان قۇراممەن بارامىز. وندا ءبىر ەمەس، ەكى- ءۇش التىن مەدال الامىز».
قايرات ەراليەۆتىڭ التىن مەدالىنەن باسقا، ءابىلحان امانقۇلوۆ پەن قامشىبەك قوڭقابايەۆ ەكى كۇمىس ەنشىلەدى. ال ۆاسالي ليەۆيت، جومارت ەرجان جانە ابىلايحان جۇسىپوۆتەر قولانى قاناعات تۇتتى.