استانادا وڭتۇستىك قازاقستان وبلىسى ۇلتتىق ات سپورتى تۇرلەرىنەن جارىس ۇيىمداستىردى
اتشابارعا جينالعان قاۋىم اۋدارىسپاق، قىز قۋۋ، جامبى اتۋ، تەڭگە ءىلۋ، قۇسبەگىلىك جانە ات ۇستىندە جىگىتتەردىڭ ونەرىن تاماشالادى. شارانىڭ اشىلۋ سالتاناتىنا ق ر مادەنيەت جانە سپورت ۆيتسە- ءمينيسترى ساكەن مۇسايبەكوۆ، جازعى وليمپيادا ويىندارىنىڭ كۇمىس جۇلدەگەرى جازيرا جاپپارقۇل، ق ر پارلامەنتىنىڭ دەپۋتاتى، داڭقتى بوكسشى سەرىك ساپييەۆ سىندى ەلىمىزدىڭ بەلگىلى سپورت ساڭلاقتارى قاتىستى.
ات سپورتى تۇرلەرىنەن باستاۋ العان سپورتتىق شارا ەرەسەكتەر اراسىندا 80 كەلىدەن جوعارى سالماق دارەجەسى بويىنشا قازاق كۇرەسىنە ۇلاستى. بۇدان بولەك، جاسوسپرىمدەر مەن جاستار اراسىندا اسىق اتۋدان، جاستار جانە ەرەسەكتەر اراسىندا توعىزقۇمالاقتان، كورەرمەندار اراسىندا سالماعى 35 كەلى بولاتىن قوشقار كوتەرۋ سايىستارى ءوتتى. قوشقاردى يىعىنا سالىپ 28 كوتەرگەن بەردىقۇل الفارابيگە تەڭ كەلەر ەشكىم بولمادى. تەڭگە الۋدان ماعجان ساپاربەكوۆ جۇلدەگەر اتاندى. جارىس قورىتىندىسىنا ساي جەڭىمپازدار باعالى سىيلىقتارمەن ماراپاتتالدى.