ءداستۇرلى «التىن تۇلپار» الامان بايگەسىنىڭ جەڭىمپازى انىقتالدى
داستۇرگە اينالعان جارىس بيىل «ەكسپو-2017» حالىقارالىق كورمەسى اياسىندا ءوتتى.
وسىدان 2 جىل بۇرىن وزا شاۋىپ، بايگە العان جامبىل وبلىسىنىڭ «سامالى» بيىل دا بابىندا ەكەنىن بايقاتىپ، مارە سىزىعىن ءبىرىنشى بولىپ كەستى. تىزىمگە 37 جۇيرىك جازىلدى. 8 اينالىمدى التى اينالۋعا ءتيىس جۇيرىكتەر بيىلعى سىننىڭ ەرەكشە ەكەنىن سەزىنگەن سەكىلدى. مارە سىزىعىن انىعىندا التاۋى عانا كەستى. جەتىنشىسىنە كۇمانمەن قاراعاندار بار. العاشقى اينالىمدا 35 نومىردەگى شاباندوز تاقىمىنداعى سۇلىك قارا سۇيكىمدى ەدى. سۇيكىمدى بولاتىنى، وزگەلەردەن وق بويى وزىپ شىقتى. 5 اينالىمنىڭ ورتاسىنا دەيىن جاقسى كەلدى.
«اتاقتى قوزىكۇرەڭنىڭ تۇقىمى، اللا بۇيىرتىپ شاۋىپ ءجۇر. ۇتىپ تا ءجۇر. ءوزى لۋگوۆويدان كەلگەن. بايگەگە جاراتىپ جاتىرمىز. «سامال» مىقتى ەكەن. ءۇش جىلدا 2 رەت بايگەدەن كەلۋ مىقتى جىلقىعا ءتان قاسيەت. قوردايدىڭ قوراسىنان شىققان جىلقىنىڭ اقشالاي سىيلىقتاردان بولەك 8 كولىك الۋى كوڭىل كونشىتەتىن جاڭالىق. «التىن تۇلپاردان» بىلتىر تىنىققان «سامال» الماتى قالاسىنىڭ اتىنان شىققان قارا اتتى العا سالعان. ورتا تۇسقا دەيىن نىساندا ۇستاپ وتىردى. التىنشى اينالىم باستالعاندا دا قارا اتتىڭ ەكپىنى قاتتى ەدى. سودان كەيىن توقتادى. شاباندوزى شەبەر ەكەن. ءىلبىپ بولسىن مارەدەن ءوتۋدى ءجون كوردى. تالاي جەر قالىپ قويعان 2 جۇيرىك سوڭىنان سالعان. اياڭنان دا باياۋ قالپىندا قارا ات ءۇشىنشى كەلدى. «سامالدان» كەيىنگى ورىندا ولجاس مىنگەن «قويانقاسقا» تۇر»، - دەدى اتبەگى سەيىلحان شىنتاسوۆ.
