رەسەيدە قۇتقارۋشىلار ەلدىمەكەندە ايۋ كەزدەسىپ قالۋى مۇمكىن ەكەندىگىن ەسكەرتتى

استانا. قازاقپارات - كراسنويارسك ولكەسىنىڭ ت ج م باسقارما باستىعى ۆالەري تەرەشكوۆ ت ۆ ك تەلەارناسىندا ءوڭىردىڭ بەس اۋدانىندا ايۋ كەزدەسىپ قالۋ قاۋپى بار ەكەندىگىن ءمالىم ەتتى.

 قالا ماڭىنداعى ۋداچنىي كەنتىندە، پلودوۆو- ياگودنايا ستانساسىندا، سوپكي ماڭايىندا، گرەمياچايا گريۆا اۋدانىندا جانە «ستولبا» قورىعىندا ايۋ كەزدەسۋى مۇمكىن. پلودوۆو- ياگودنايا ستانساسىندا قونجىقتارى بار كىرەكەي (ۇرعاشى ايۋ - اۆت.) سالىنىپ جاتقان ۇيدەن ءجۇز مەتر جەردە بايقالعان. تاعى ءبىر ايۋدى لەسنوي كوشەسىندە جۇرگەن. بۇدان بۇرىن قۇتقارۋشىلار جىرتقىشتى بايقاعاندار تۋرالى مالىمەت تاراتقان.

 31- تامىز كۇنى سولتۇستىك ەنيسەي اۋدانىندا قالا سىرتىنداعى تاسجولعا قونجىق شىققان. جۇرگىزۋشىلەر وعان پوپكورن مەن ءتاتتى قويۋ ءسۇت بەرگەن. بىرنەشە كۇن بۇرىن كراسنويارسك ولكەسى ەنيسەي اۋدانى پودتيەسوۆو كەنتىندە پوليتسيا قىزمەتكەرى ادامدارعا شابۋىل جاساعان ايۋدى اتىپ ولتىرگەن ەدى. جىرتقىشتى اۋلاعا كىرىپ، قويدى جەپ جاتقان كەزدە اتىلعان. قالا كوشەلەرىندە ايۋلاردىڭ ءجۇرۋى تۋرالى اقپارات تامىز ايىندا رەسەيدىڭ كوپتەگەن وڭىرلەرىنەن كەلىپ تۇسكەن. يركۋتسك وبلىسى جيگالوۆسكي اۋدانىندا ايۋ گەولوگيالىق بارلاۋ توبىنا شابۋىل جاساپ، ءبىر ادام قازا تاپقان. بىرنەشە ساعات وتكەننەن كەيىن جىرتقىشتى اڭشىلار تاۋىپ ءولتىردى.