ەردوعان نازاربايەۆتى قۇربان ايتپەن قۇتتىقتادى
رەجەپ تايىپ ەردوعان نۇرسۇلتان نازاربايەۆتى قۇربان ايت مەرەكەسىمەن قۇتتىقتاپ، وعان زور دەنساۋلىق پەن تابىس، ال قازاقستان حالقىنا ءوسىپ- وركەندەۋ تىلەدى.
مەملەكەتتەر باسشىلارى اڭگىمە بارىسىندا ەكىجاقتى ىنتىماقتاستىقتىڭ جاعدايى مەن پەرسپەكتيۆالارىن، سونداي- اق تۇركيا رەسپۋبليكاسى پرەزيدەنتىنىڭ بيىلعى 9 - قىركۇيەكتە استاناعا جاسايتىن رەسمي ساپارىن تالقىلادى.
سونىمەن قاتار، ەكى ەل كوشباسشىلارى بيىلعى 10-11 - قىركۇيەكتە استانادا يسلام ىنتىماقتاستىعى ۇيىمىنىڭ عىلىم جانە تەحنولوگيالار جونىندەگى ءبىرىنشى سامميتىن وتكىزۋ ماسەلەلەرى بويىنشا پىكىر الماستى.
پرەزيدەنتتەر قازاقستان مەن تۇركيانىڭ كەڭ اۋقىمدى باعىتتار بويىنشا قارىم- قاتىناسىن ودان ءارى نىعايتۋ ءۇشىن سىندارلى ديالوگتى جالعاستىرۋ جونىندە ۋاعدالاستى.
تەلەفون ارقىلى سويلەسۋگە تۇرىك جاعى باستاماشى بولدى.