بوكستان الەم چەمپيونى قايرات ەراليەۆ العاشقى اسەرىمەن ءبولىستى
جەكپە- جەك اياقتالعاننان كەيىن قايرات ەراليەۆ Sports.kz تىلشىسىمەن العاشقى اسەرىن ءبولىستى.
- ماعان جانكۇيەر بولىپ، قولداۋ كورسەتكەن حالقىما العىسىمدى ايتامىن. قازاقستاننىڭ تۋى الەمدىك ارەنادا مۇنان دا جوعارى بيىكتەرگە كوتەرىلە بەرسىن. قازاقستاندىق اتلەتتەردىڭ جەڭىسى - بۇل مەملەكەتتىڭ سپورتشىلارعا دەگەن ۇلكەن نازارىنىڭ، اۋقىمدى جۇمىستارىنىڭ ناتيجەسى.
- قارسىلاسىڭ قالاي ەكەن؟
- قارسىلاسىم فيزيكالىق تۇرعىدا وتە مىقتى بولىپ شىقتى.
امەريكالىقتاردىڭ ۇرىس مانەرى كاسىبيگە جاقىن بولىپ كەلەدى. سوندىقتان جىلدامىراق بولۋعا، ونى الداپ سوعۋعا تىرىستىم. مەنى جاقسى دايىنداپ، جەڭىسكە جەتۋگە كومەگىن بەرگەن باپكەرلەرگە العىسىمدى ايتامىن.
- بۇل سەنىڭ وسى تۋرنيردەگى ەڭ اۋىر جەكپە- جەگىڭ بولدى دەپ ايتۋعا بولا ما؟
- الەم چەمپيوناتىنداعى بارلىق جەكپە- جەك اۋىر. ناقتى ايقاسقا كىم مىقتى بولسا، سول جەڭىسكە جەتەدى.
- ريو وليمپياداسىمەن سالىستىرعاندا قانداي كومپونەنتتەردە مىقتى بولا ءتۇستىڭ؟
- فيزيكالىق تۇرعىدا دەسەم بولادى. جاقسى دايىندالىپ، قاتەلىكتەرمەن جۇمىس جاسادىق. ءبىزدىڭ ەڭبەگىمىز ناتيجە بەرگەنىنە قۋانىشتىمىن.