استانادا ءداستۇرلى «التىن تۇلپار» رەسپۋبليكالىق بايگەسى وتەدى
بۇگىن استانا اكىمدىگى مەن ۇلتتىق سپورت تۇرلەرى بويىنشا رەسپۋبليكالىق فەدەراتسيا «سامۇرىق- قازىنا» ۇلتتىق ءال- اۋقات قورىنىڭ، ق ر مادەنيەت جانە سپورت مينيسترلىگىنىڭ، «نۇر وتان» پارتياسىنىڭ، سونىمەن قاتار «ەكسپو-2017» ۇ ك قولداۋىمەن ەلوردادا «التىن تۇلپار» الامان بايگەسىن وتكىزەدى.
جارىس وسىمەن ءتورتىنشى رەت ۇيىمداستىرىلىپ وتىر. بيىل الامان- بايگە فورماتى ءبىرقاتار وزگەرگەن بولاتىن. ەگەر بۇعان دەيىن جۇگىرىپ ءوتۋ شەڭبەرى 12,5 شاقىرىمدى قۇراسا، ەندى 7 شاقىرىم. قاشىقتىق - 51 ك م.
قاشىقتىقتا ءار 2 شاقىرىم سايىن باقىلاۋ پۋنكتتەرى ورنالاسادى، وندا تورەشىلەر، ۆەتەرينارلار، قۇقىق قورعاۋ ورگاندارىنىڭ وكىلدەرى بولادى. بايگەنىڭ ءوتۋ بارىسى بەينەباقىلاۋ كامەرالارىنا تۇسىرىلەدى.
ات جارىس تىكەلەي ەفيردە جانە لەد- ەكراندا كورسەتىلەدى. بايگەگە قازاقستاننىڭ بارلىق وبلىستارىنان جانە الماتى مەن استانا قالالارىنىڭ كوماندالارى قاتىسادى.
باس جۇلدەگە 10 ميلليون تەڭگە تىگىلگەن. سونداي- اق جۇلدەلەردى ءبىرىنشى كەلگەن 9 شاباندوز يەلەنەدى.
بايگە اقمولا وبلىسى، سەلينوگراد اۋدانى، «قابانباي باتىر» اۋىلىندا وتەدى (استانادان 35 شاقىرىم جەردە).
الامان بايگە 3-قىركۇيەك كۇنى 11:00-دە باستالادى.
