ماجار قىپشاقتارىنىڭ مادەنيەتى فەستيۆالىندە ۇلى دالانىڭ ەتنو بۇرىشى تانىستىرىلدى
ماجارستان اۋىل شارۋاشىلىعى ءمينيسترى شاندور فازەكاش ءوز سوزىندە ۇلى دالانىڭ ۇرپاقتارى بولىپ سانالاتىن ماجار قىپشاقتارىنىڭ سالت- داستۇرىنە ارنالعان فەستيۆالدىڭ ماڭىزدى ەكەنىن اتاپ ءوتتى.
مينيستر قازاقستان ەلشىسى نۇرباح رۇستەموۆكە اتالعان ءىس- شاراعا قولداۋ كورسەتكەنى ءۇشىن العىسىن ءبىلدىردى. ءوز كەزەگىندە، قازاقستاندىق ديپلومات قازاقستان ەلشىلىگى مەملەكەت باسشىمىز نۇرسۇلتان نازاربايەۆتىڭ «بولاشاققا كوزقاراس: قوعامدىق سانانى جاڭعىرتۋ» ماقالاسىنىڭ نەگىزگى اسپەكتىلەرىن ىسكە اسىرۋ، سونداي- اق ەكى ەل اراسىندا مادەني- گۋمانيتارلىق ىنتىماقتاستىقتىڭ جوعارى دەڭگەيىن قولداۋ اياسىندا ەلشىلىكتىڭ فەستيۆالگە قاتىسىپ وتىرعانىن اتاپ ءوتتى.
فەستيۆال شەڭبەرىندە قوناقتاردى قازاق حالقىنىڭ سالت- داستۇرىمەن، مادەنيەتىمەن تانىستىراتىن ەتنوبۇرىش جاساقتالدى. وعان قوسا، قوناقتارعا كادەسىيلار مەن يميدجدىك ماتەريالدار تاراتىلدى، سونداي- اق ولار قازاقتىڭ تاعامدارىنان ءدام تاتتى. ەتنوبۇرىش فەستيۆال قوناقتارىنىڭ ۇلى دالا تاريحىنا دەگەن ەرەكشە قىزىعۋشىلىعىن ارتتىرعانىن اتاپ ءوتۋ قاجەت. 1990 -جىلى «ماجارستان قىپشاقتارىنىڭ وداعى» قۇرىلدى، قۇرمەتتى كوشباسشىسى قازاقستان رەسپۋبليكاسىنىڭ پرەزيدەنتى نۇرسۇلتان نازاربايەۆ بولىپ سايلاندى. قازىرگى تاڭدا ماجارستاندا ⅩⅢ عاسىردا قازىرگى قازاقستان اۋماعىنان ەۋروپاعا قونىس اۋدارعان شامامەن 300 مىڭ قىپشاق ۇرپاقتارى تۇرادى.