16:16, 02 - قىركۇيەك 2017 | GMT +6
يراك پەن سيرياداعى قازاقستاندىق جانە رەسەيلىك بالالار گروزنىيعا جەتكىزىلدى
استانا. قازاقپارات - يراك پەن سيرياعا بۇرىن كەتكەن سەگىز بالا مەن ءتورت ايەل رەسەيگە قايتىپ ورالدى.
رەسەيلىك جانە قازاقستاندىق ازاماتتاردى اكەلگەن ۇشاق جۇما كۇنى گروزنىيعا قوندى، دەپ حابارلايدى رەسەيلىك ت ا س س اگەنتتىگى.
«بورتتا 12 ادام بولدى. ولاردىڭ اراسىندا ورىستار، تاتارلار، باشقۇرتتار، شەشەندەر جانە قازاقتار بار»، - دەدى تاياۋ شىعىس پەن سولتۇستىك افريكاداعى شەشەنستان باسشىسىنىڭ وكىلى زياد سابسابي.
سونداي-اق، ول ءۇش ۇلى بار شەشەن ازاماتشاسى، تۆەر تۇرعىنى ۇلىمەن جانە تۇمەندىك جاس ايەل ۇلىمەن كەلگەنىن مالىمدەدى.
بورتتا قازاقستان ازاماتشاسى ءۇش ۇلىمەن بولعان. رسەەيلىك ازاماتتاردىڭ وتانىنا قايتۋ شىعىندارىن احمات-حادجي قادىروۆ اتىنداعى وڭىرلىك قوعامدىق قورى ءوز موينىنا العان.