17:17, 02 - قىركۇيەك 2017 | GMT +6
بريتاندىق مينيستر استاناداعى ازىرەت سۇلتان مەشىتىندە بولدى
استانا. قازاقپارات - بريتانيانىڭ ەۋروپا جانە امەريكا ىستەرى جونىندەگى ءمينيسترى الان دانكان قازاقستاندىقتاردى قاسيەتتى قۇربان ايت مەرەكەسىمەن قۇتتىقتادى، دەپ حابارلايدى «قازاقپارات» ح ا ا ءتىلشىسى.
«مەنىڭ ارتىمدا كەرەمەت ازىرەت سۇلتان مەشىتى تۇر. بۇل قالانىڭ بەلگىلى كورنەكتى جەرلەرىنىڭ ءبىرى جانە ماعان بۇگىن وسى مەشىتكە كەلۋ باقىتى بۇيىردى. 1- قىركۇيەك - يسلام كۇنتىزبەسىندە وتە ماڭىزدى كۇن. سول سەبەپتى بۇگىن مەشىت الدىندا تۇرىپ ءوزىمنىڭ تىلەگىمدى بىلدىرگىم كەلەدى. قۇربان ايت قۇتتى بولسىن!» - دەلىنگەن ق ر- داعى بريتان ەلشىلىگىنىڭ فەيسبۋكتەگى پاراقشاسىندا جاريالانعان ۆيدەو قۇتتىقتاۋدا.