وزبەكستاننىڭ ناۋاۋي وبلىسىنىڭ مەكتەپتەرىنە قازاق تىلىندەگى كىتاپتار سىيعا بەرىلدى
ءبىلىم بەرۋ مەكەمەسىنىڭ اشىلۋ سالتاناتىندا ق ر وزبەكستانداعى توتەنشە جانە وكىلەتتى ەلشىسى ەرىك وتەمبايەۆ وزبەكستاندا جاستاردىڭ زامانعا ساي ءبىلىم الىپ، شەت تىلدەرىن مەڭگەرۋلەرىنە بارلىق جاعداي جاسالىپ، ۇنەمى كوڭىل بولىنەتىندىگى وڭ ناتيجە بەرىپ كەلە جاتقاندىعىن ايتىپ ءوتتى.
ناۋاۋي وبلىسىندا وزبەك جانە قازاق ۇلتتارىنىڭ وكىلدەرى وزبەكستاننىڭ دامۋى جولىندا بىرلەسە ەڭبەك ەتىپ، بەيبىتشىلىك جانە كەلىسىم جاعدايىندا ءومىر ءسۇرىپ جاتىر.
قازىرگى ۋاقىتتا وزبەكستان رەسپۋبليكاسىنىڭ ءۇشقۇدىق اۋدانى ءجۇزقۇدىق اۋىلىنداعى 2№ جاڭا مەكتەبى قاجەتتى قازاق ءتىلدى جانە باسقا تىلدەردەگى وقۋلىقتار جانە ادەبيەتتەرمەن قامتاماسىز ەتىلگەن.
كومپيۋتەرلىك سىنىپتا وقۋشىلاردىڭ اقپاراتتىق- كوممۋنيكاتسيالىق تەحنولوگيالاردى كەڭىنەن پايدالانۋىنا بارلىق جاعداي جاسالعان. مەكتەپ كابينەتتەرى جاڭا زامان تالاپتارىنا ساي جابلىقتالعان.
قازاقستان رەسپۋبليكاسىنىڭ وزبەكستانداعى ەلشىلىگى جانە وزبەكستانداعى قازاق ۇلتتىق مادەني ورتالىعى جاڭا مەكتەپكە قاجەتتى وقۋ قۇرالدارىن، پلانشەتتەر مەن قازاق تىلىندەگى 300 كىتاپتى سىيعا تارتتى.