13:56, 02 - قىركۇيەك 2017 | GMT +5
مىرزاعالي ايتجانوۆ: لەۆيت ساۆوننان جەڭىلگەن جوق
استانا. قازاقپارات - قازاقستان ۇلتتىق قۇراماسىنىڭ باس باپكەرى مىرزاعالي ايتجانوۆ گامبۋرگتە بوكستان ءوتىپ جاتقان الەم چەمپيوناتىندا قولا مەدالگە يە بولعان ۆاسيلي لەۆيتتىڭ سوڭعى كەزدەسۋىنە قاتىستى پىكىرىن ءبىلدىردى، دەپ حابارلايدى «قازاقپارات» ح ا ا ءتىلشىسى.
«ۆاسيلي لەۆيتتىڭ ايقاسى بويىنشا وليمپياداداعى وقيعا قايتالانىپ جاتىر. كەزىندە تيشەنكوعا بەرىلسە، بۇل جولى ساۆونعا جەڭىس بەرىلىپ كەتتى. نەگىزى ساۆونمەن كەزدەسۋدە 1-راۋندتان تىس 2 جانە 3 راۋندتا تازا لەۆيت جەڭگەن بولاتىن»، - دەيدى مىرزاعالي ايتجانوۆ.
ەسكە سالا كەتسەك، كەشە، ياعني 31- تامىزدا 91 كەلىگە دەيىنگى سالماقتا قازاقستاننىڭ نامىسىن قورعاۋعا بارعان قازاقستاندىق بوكسشى ۆاسيلي لەۆيت تورەشىلەردىڭ شەشىمىمەن كۋبالىق ەريسلاندي ساۆوننان 3:1 ەسەبىمەن جەڭىلىپ قالعان بولاتىن. ساۆون اقتىق باسەكەدە رەسەيلىك تيشەنكومەن قولعا تۇيىستىرەدى.
