10:36, 02 - قىركۇيەك 2017 | GMT +6
كەنيا سايلانعان پرەزيدەنتىن مويىندامايدى
استانا. قازاقپارات - كەنيانىڭ جوعارعى سوتى پرەزيدەنتتىك سايلاۋدىڭ قورىتىندىسىن جارامسىز دەپ تانىدى، دەپ حابارلايدى رەيتەر.
ەلدىڭ قازىرگى پرەزيدەنتى ۋحۋرۋ كەنياتا سايلاۋدا جەڭىپ شىققان. سونىمەن قاتار جوعارعى سوت 60 كۇن ىشىندە جاڭا سايلاۋ وتكىزۋ جونىندە قاۋلى شىعاردى.
جوعارعى سوتتىڭ شەشىمىمەن ەكس-پرەمەر رايلا ودينگا دا كەلىسەتىنىن ايتتى.
ول ءوز سوزىندە سايلاۋ كوميسسياسىنا قاتىستى سوت تالقىلاۋىن وتكىزەتىنىن العا تارتتى.
ايتا كەتەيىك، كەنيادا ەل پرەزيدەنتىن سايلاۋ تامىز ايىندا وتكەن بولاتىن. ارنايى كوميسسيانىڭ دەرەكتەرى بويىنشا، قازىرگى پرەزيدەنت ۋحۋرۋ كەنياتا بارلىق داۋىستىڭ %54,27 ىن ەنشىلەسە، ال ەكس-پرەمەر رايلا ودينگا %44,74 ىن جيناعان.
سايلاۋ قورىتىندىسىنا نارازى وپپوزيتسيا وكىلدەرى مەن ءتارتىپ ساقشىلارى اراسىنداعى شايقاستان بىرنەشە ادام قازا تاپقان.