قوقىس جاشىگىنەن باسى كەسىلگەن ايەلدىڭ دەنەسى تابىلدى

استانا. قازاقپارات - قىرعىزستاننىڭ وش قالاسىندا قوقىس سالاتىن جاشىكتەن باسى كەسىلگەن ادامنىڭ دەنەسى تابىلدى.

شامامەن 40-50 جاستاعى ايەلدىڭ ءولى دەنەسىن قوقىس شىعاراتىن كاسىپورىن قىزمەتكەرلەرى كورىپ، پوليتسياعا حابار بەرگەن، دەپ جازادى كابار.

وش قالالىق ىشكى ىستەر قىزمەتكەرلەرىنىڭ حابارلاۋىنشا، جاۋىزدىقپەن ولتىرىلگەن 51 جاستاعى ايەلدىڭ ولىمىنە، ونىڭ 25 جاستاعى كەلىنى مەن كەلىننىڭ اپايى كۇدىكتى رەتىندە ۇستالعان.

25 جاستاعى كەلىنشەكتىڭ پوليتسيا بولىمشەسىنە بەرگەن تۇسىنىكتەمەسىندە ول مۇنداي ارەكەتكە وتباسىن ساقتاۋ ءۇشىن بارعان. ول ەنەسىنىڭ ءوزىن ۇلىنا ەشقاشاندا تەڭ كورمەگەندىگىن ايتقان.

تەرگەۋ بارىسىندا 26- تامىز كۇنى شامامەن ساعات 7 لەر شاماسىندا كۇدىكتى ايەلدىڭ كۇيەۋى جۇمىسقا كەتكەننەن كەيىن، ەنە مەن كەلىن اراسىندا جانجال تۋعان.

اشۋعا بۋلىققان جاس كەلىنشەك تاسپەن ەنسىنىڭ باسىنان ءبىر قويىپ، ءولتىرىپ العان. ەنەسىن ءولتىرىپ العان ايەل ءوزىنىڭ اپايىنا شىندىقتى ايتقان.

اپكەسى كەلگەننەن كەيىن ول ەنەسىنىڭ ءولى دەنەسىن بولشەكتەپ، ۇلكەن سومكەگە سالىپ، قالانىڭ باسقا جاعىنداعى قوقىس جاشىگىنە اپارىپ تاستاعاندىعى انىقتالدى. وقيعاعا قاتىستى تەرگەۋ امالدارى جالعاسىپ جاتىر.