بۇگىن - ءبىلىم كۇنى
رەسپۋبليكانىڭ بارلىق ءبىلىم وشاقتارىندا العاشقى قوڭىراۋ سوعىلادى، دەپ حابارلايدى قازاقپارات.
ايتا كەتەرلىگى، 1- قىركۇيەك قۇربان ايت مەيرامىنا ءدال كەلگەندىكتەن العاشقى قوڭىراۋ سوعۋ سالتاناتى 2- قىركۇيەككە اۋىستىرىلعان بولاتىن.
جالپى جىلدان جىلعا ءبىرىنشى سىنىپقا باراتىن بۇلدىرشىندەردىڭ سانى ارتا تۇسۋدە. وتكەن جىلى مەكتەپ تابالدىرىعىن 370 مىڭعا جۋىق بالا اتتاسا، بيىل ولاردىڭ سانى 10 مىڭ بالاعا ارتۋدا.
وسىعان بايلانىستى ەلىمىزدىڭ بارلىق وڭىرلەرىندە جاڭادان مەكتەپتەر سالىنۋدا. بيىل 75 جاڭا مەكتەپتى پايدالانۋعا بەرۋ جوسپارلانسا، سونىڭ 35 ءى 2- قىركۇيەك كۇنى وقۋشىلارعا ەسىگىن ايقارا اشادى.
مۇنان بولەك، 300 مەكتەپكە كۇردەلى جوندەۋ، ال 410 مەكتەپ اعىمدىق جوندەۋ جۇمىستارى جۇرگىزىلدى.
ەستەرىڭىزدە بولسا، وتكەن جىلى ەلىمىزدىڭ 1- سىنىپ وقۋشىلارى جاڭارتىلعان ءبىلىم بەرۋ باعدارلاماسىمەن وقي باستاعان بولاتىن. ال بيىل 2, 5 جانە 7 سىنىپ وقۋشىلارى جاڭارتىلعان ءبىلىم باعدارلاماسىنا كوشەدى.