بەلارۋستىڭ ەتنوگرافيالىق جانە تۇرمىستىق جادىگەرلەرى قازاقستاننىڭ ۇلتتىق مۋزەيىنە تابىستالدى
«بۇگىن قازاقستاننىڭ ۇلتتىق مۋزەيىندە بەلارۋس رەسپۋبليكاسىنىڭ ۇلتتىق تاريحي مۋزەيىنىڭ ەتنوگرافيالىق جانە تۇرمىستىق كوللەكتسيالارىن ۋاقىتشا كورسەتۋگە ۇسىنۋ مۇمكىنشىلىگىنە يە بولىپ تۇرمىن. ولار - بەلارۋس ايەلدەرىنىڭ ۇلتتىق كيىمى. سونىمەن قاتار ۇيلەنۋ ءراسىمى بارىسىندا تۇرمىستىق زات رەتىندە قولدانىلعان ءداستۇرلى قۇمىرالار دا بار»، - دەدى سالتاناتتى شاراعا قاتىسقان بەلارۋس پرەزيدەنتى اكىمشىلىگىنىڭ باسشىسى ناتاليا كوچانوۆا.
ونىڭ ايتۋىنشا، مۋزەيگە كەلگەن ەلوردالىقتار مەن قالا قوناقتارى وسى ەكسپوناتتاردى كورۋ ارقىلى بەلارۋس حالقىنىڭ مادەنيەتى مەن سالت- ءداستۇرىن جەتىك بىلە تۇسەدى. ءوز كەزەگىندە ق ر ۇلتتىق مۋزەيى ديرەكتورىنىڭ مىندەتىن اتقارۋشى لەونيد كوچەتوۆ بەلارۋس تاراپىنا ۇسىنىپ وتىرعان ەكسپوناتتارى ءۇشىن ريزاشىلىق ءبىلدىردى.
«ءسىزدى قازاقستاننىڭ ۇلتتىق مۋزەيىندە قارسى العانىمىز ءۇشىن قۋانىشتىمىز. سىزدەردىڭ بۇگىنگى تارتۋلارىڭىز بىزدەردىڭ مۋزەي ىسىندەگى جانە مادەني سالاداعى دوستىق بايلانىستارىمىزدى جالعاستىرادى دەپ سەنەمىز»، - دەدى ول.