دۇعا ەتكەندە كوز جاسىن تىيا الماعان استانالىق يمام بارشا جۇرتتى ەگىلتىپ جىبەردى
بۇل - بارلىق تىلەگەنىڭ، سۇراعانىڭ قابىل بولاتىنا ۋادە ەتىلگەن جەر. ارافاتتىڭ باسىندا كەشىرىلمەيتىن كۇنا جوق.
بەسىن نامازىنان كەيىن قاجىلارعا دۇعا ەتۋدىڭ رەتىن ۇيرەتكەن توپ باسشىلارى جاماعاتتى باستاپ امال جاسادى. دۇعا جاساپ تۇرىپ استانالىق يمام ەگىلىپ جىلادى.
ول ارافاتتىڭ باسىنا العاش كەلىپ، ەرىكسىز جىلاعانىن ايتتى.
«ول ەرىكسىز شىققان جاس. بۇل مەنىڭ ارافاتتاعى العاشقى دۇعام. ۇلكەن قاجىلىعىمنىڭ ءبىرىنشىسى. ارافاتتا تۇرماي ەشبىر مۇسىلماننىڭ قاجىلىعى قابىل بولمايدى. اللا تاعالا اسپان قاباتىنان ءتۇسىپ: «ەي، پەرىشتەلەرىم، قاراڭدار.
مەنىڭ پەندەلەرىم ۇستەرى شاڭ باسىپ كەلىپ، ماعان جالبارىنىپ دۇعا جاساپ جاتىر. ولار مەنىڭ يگىلىگىمدى نە ازابىمدى كورمەدى.
سونى بىلە تۇرا جالبارىنىپ كەلىپ وتىر. مەن قابىل ەتەمىن، كۋا بولىڭدار» دەگەن ەكەن»، - دەيدى استانالىق يمام ەربول مامبەتوۆ.
بەيرەسمي دەرەكتەر بويىنشا ارافات تاۋىنىڭ باسىندا بەس ميلليونعا جۋىق مۇسىلمان قاجىلىعىن وتەپ ءجۇر. قازاقستاننان 2500 ادام باردى.
بۇگىن مەككە قالاسىندا قۇرباندىق شالۋ ءراسىمى باستالىپ كەتتى.
