ۇلتتىق بانكتىڭ ەكس-ورىنباسارى اتوم كومپانياسىنىڭ باسشىسى بولىپ تاعايىندالدى

استانا. قازاقپارات - عالىمجان ءپىرماتوۆ «قاز اتوم ونەركاسىپ» ۇلتتىق اتوم كومپانياسى» ا ق باسقارماسىنىڭ باسشىسى بولىپ تاعايىندالدى دەپ حابارلادى كومپانيانىڭ باسپا ءسوز قىزمەتى.

«بۇگىن «سامۇرىق- قازىنا» ۇ ءا ق» ا ق باسقارما ءتوراعاسى ءومىرزاق شوكەيەۆ «قاز اتوم ونەركاسىپ» ۇ ءا ك» ا ق ۇجىمىنا ۇلتتىق اتوم كومپانياسىنىڭ جاڭا باسقارما ءتوراعاسى عالىمجان ولجا ۇلى ءپىرماتوۆتى تانىستىردى»، - دەلىنگەن بەيسەنبىدە تاراتىلعان حاباردا.

حاباردا ايتىلعانداي، ءپىرماتوۆتىڭ كانديداتۋراسى كومپانيانىڭ جالعىز اكسيونەرى «سامۇرىق-قازىنا» ۇ ءا ق» ا ق- نىڭ شەشىمىمەن بەكىتىلگەن.

عالىمجان ءپىرماتوۆ ءار جىلدارى «التىن ءتوس» ب ك قارجى ديرەكتورى، AIG Silk Road Capital ينۆەستيتسيالار جونىندەگى ديرەكتورى، «ۇلتىق بانك» ا ق ينۆەستيتسيالىق بانكينگ دەپاراتمەنتىنىڭ ديرەكتورى، «قاز اتوم ونەركاسىپ» ۇ ءا ك» ا ق- نىڭ ەكونوميكا جانە قارجى جونىندەگى ۆيتسە- پرەزيدەنتى بولعان، «Cameco Kazakhstan»  تاۋ- كەن كومپانياسىن باسقارعان.

ەسكە سالساق، 29- تامىزدا پرەزيدەنتتىڭ جارلىعىمەن كومپانيا باسشىسى اسقار جۇماعاليەۆ قازاقستان پرەمەر-ءمينيسترىنىڭ ورىنباسارى بولىپ تاعايىندالدى.