10:24, 01 - قىركۇيەك 2017 | GMT +5
قاراعاندىدا مىسىقتى تىرىدەي ورتەگەن ادام ىزدەستىرىلۋدە
قاراعاندى. قازاقپارات - جانۋارلاردى قورعاۋ جونىندەگى بىرنەشە قوعامدىق بىرلەسىكتەردىڭ وكىلدەرى مىسىقتى تىرىدەي ورتەپ جانە ونىڭ ۆيدەوسىن الەۋمەتتىك جەلىلەرگە سالعان تۇلعانى ىزدەستىرىپ جاتىر، دەپ حابارلايدى قازاقپارات ءتىلشىسى.
قوعامدىق بىرلەستىك وكىلدەرى قۇقىق قورعاۋ ورگاندارىنان جانۋاردى قورلاپ جانە ونىڭ ۆيدەوسىن الەۋمەتتىك جەلىگە جۇكتەگەندەردى انىقتاپ، جازالاۋدى سۇراپ وتىر.
«الەۋمەتتىك جەلىنى پايدالانۋشىلاردىڭ قۇقىقتارى تۋرالى ايتاتىن ۋاقىت كەلدى. مۇنداي ۆيدەولاردى سالىپ جانە ونى الەۋمەتتىك جەلىلەردە بەلسەندى تاراتقاندار ق ر ق ك 313-بابىنا سايكەس جازالانادى»، - دەدى قوعامدىق بىرلەستىكتىڭ ەرىكتىسى.
10 سەكۋنتتىق ۆيدەودا قاراعاندىداعى جەكە ويىن-ساۋىق كەشەندەرىنىڭ بىرىندە بولعان وقيعادا بەلگىسىز ادام مىسىقتى تىرىدەي ورتەپ جانە ول ىسىنەن راحات العانى بەينەلەنگەن.
