اعىلشىن ءمينيسترى قازاقستاننىڭ جەمقورلىققا قارسى ستراتەگياسىن جۇزەگە اسىرۋعا قارجىلاي كومەك كورسەتپەك
ەلىمىزگە رەسمي ساپارمەن كەلگەن ۇلى بريتانيانىڭ ەۋروپا جانە امەريكا ىستەرى جونىندەگى ءمينيسترى الان دۋنكان قازاقستاننىڭ سىبايلاس جەمقورلىققا قارسى ستراتەگياسىن جۇزەگە اسىرۋ ءۇشىن 74 مىڭ فۋنت ستەرلينگ كولەمىندە قارجىلاي كومەك كورسەتپەك. سونىمەن قاتار مارتەبەلى مەيمان ساپار بارىسىندا حالىقارالىق قاۋىپسىزدىك ماسەلەسىنە كوڭىل ءبولىپ، ساۋدا قاتىناستاردىڭ دامۋىنا سەپتىگىن تيگىزبەك.
ايتا كەتۋ كەرەك، ۇلى بريتانيا تاۋار اينالىمى بويىنشا قازاقستاننىڭ ەڭ ءىرى 10 سەرىكتەسىنىڭ قاتارىنا كىرەدى. سونداي- اق ەلىمىزگە ەڭ كوپ ينۆەستيتسيا اكەلەتىن ۇزدىك التى ەلدىڭ قاتارىندا. سوڭعى 12 جىل ىشىندە قازاقستانعا جالپى كولەمى 12,1 ميلليارد دوللار تىكەلەي ينۆەستيتسيا قۇيعان.
الان دۋنكان، ۇلى بريتانيانىڭ ەۋروپا جانە امەريكا ىستەرى جونىندەگى ءمينيسترى:
- قازاقستان - ۇلى بريتانيا ءۇشىن قاشاندا ماڭىزدى سەرىكتەس. سەبەبى قازاق ەلىنىڭ حالىقارالىق ارەناداعى ءرولى جوعارى دەڭگەيدە ەكەنىن بىلەمىز. ەلدەرىڭىزدىڭ ب ۇ ۇ قاۋىپسىزدىك كەڭەسىنە تۇراقتى ەمەس مۇشەسى بولىپ سايلانعانىن ەرەكشە اتاپ وتكىم كەلەدى. ەكى ەل اراسىنداعى ىنتىماقتاستىق بۇدان بىلاي دا ارتىپ، دامي تۇسەدى دەگەن ۇمىتتەمىن.
www.24.kz