20:09, 31 - تامىز 2017 | GMT +6
نۇرسۇلتان نازاربايەۆ المازبەك اتامبايەۆ پەن قىرعىزستان حالقىن قۇتتىقتادى
استانا. قازاقپارات - قازاقستان پرەزيدەنتى نۇرسۇلتان نازاربايەۆ قىرعىزستان باسشىسى الماز اتامبايەۆ پەن ەل حالقىن تاۋەلسىزدىك كۇنىمەن قۇتتىقتادى، دەپ جازدى «كابار».
«قىرعىزستان قىسقا تاريحي مەرزىم ىشىندە قارقىندى دامىپ كەلە جاتقان ەل رەتىندە حالىقارالىق قوعامداستىقتىڭ بەدەلدى مۇشەسىنە اينالدى. ەكى ەل اراسىنداعى دوستىق ءوزارا بايلانىستىڭ حالقىمىزدىڭ يگىلىگى ءۇشىن الداعى ۋاقىتتا دا نىعايىپ، دامي تۇسەتىندىگىنە سەنىمدىمىن»، - دەلىنگەن ەلباسى قۇتتىقتاۋىنىڭ ماتىنىندە.
قازاقستان پرەزيدەنتى المازبەك اتامبايەۆقا زور دەنساۋلىق، جاۋاپتى قىزمەتىندە جەتىستىك جانە قىرعىز حالقىنىڭ بەيبىتشىلىگى مەن اماندىعىن تىلەدى.