الماتىدا ب ۇ ۇ- نىڭ دۇنيەجۇزىلىك تۋريستىك مەكەمەسىمەن بىرلەسكەن جوبالار جۇزەگە اسا باستادى
UNWTO (ب ۇ ۇ دۇنيەجۇزىلىك تۋريستىك مەكەمەسى) وكىلدەرىمەن تىعىز ىنتىماقتاستىق ورناتۋ باعىتىنداعى بىرلەسكەن جۇمىستارىن باستادى، دەپ حابارلايدى قازاقپارات ءتىلشىسى.
ىنتىماقتاستىق جۇمىستارىندا ءبىلىم ترەنينگى، تۋريستىك نارىقتا بيزنەس قاۋىمداستىقپەن بىرلەسكەن ءبىرقاتار كەزدەسۋ وتكىزۋ قاراستىرىلعان. بىرلەسكەن جۇمىستى ۇيىمداستىرۋ ءۇشىن ارنايى بۇۇ دۇنيەجۇزىلىك تۋريستىك مەكەمەسىنىڭ (UNWTO) ساراپشىسى دوكتور ەسپينوزا ناگورە شاقىرىلدى. ايتا كەتەيىك، بۇل الماتى قالاسىنىڭ UNWTO مۇشەلىگىندەگى 5 جىلى ىشىندە تۋريزم سالاسىنىڭ ءادىسناماسى بويىنشا ساراپشىلارمەن تىعىز ىنتىماقتاستىق جاساۋداعى العاشقى قادامى. شارا اياسىندا «الماتىدا تۋريزمنىڭ جوسپارلانۋى، دامۋى، باسقارىلۋى مەن ماركەتينگىن جاقسارتۋداعى تەحنيكالىق كومەك» اتتى ستراتەگيالىق جوبا دايىنداۋ تۋرالى كەلىسىم جاسالدى. جوبا ءۇش ءوزارا بايلانىستى قۇزىرەتتىكتەن تۇرادى، وندا نەگىزىنەن تۋريزمنىڭ ستاتيستيكاسىن جاقسارتۋعا، ساياحاتشىلاردىڭ بەيىنى مەن تۋريستىك اقپاراتقا، سونىمەن قاتار تۋريزمنىڭ قۇنىن قۇرۋعا دەن قويىلماق. UNWTO ماماندارىنىڭ پىكىرىنشە، مۇنداي كەشەندى جۇمىس الماتى قالاسى مەن الماتى اگلومەراتسياسىندا ءتۋريزمدى دامىتۋعا ايتارلىقتاي وراسان زور ىقپال ەتپەك.
اۆتور: الماس مۇقاش ۇلى