16:36, 31 - تامىز 2017 | GMT +6
قىتايلىق قازاق قاقپاشى پورتۋگاليادا ونەر كورسەتىپ ءجۇر
استانا. قازاقپارات - قىتايدىڭ شىنجاڭ ۇيعىر اۆتونوميالىق ولكەسى تارباعاتاي ايماعىنىڭ تۋماسى ەرجەت ەرزات ۇلى پورتۋگاليانىڭ ەكىنشى ليگاسىنداعى «لەيشوينش» فۋتبول كلۋبىنا قوسىلدى،
دەپ حابارلايدى قازاقپارات ءتىلشىسى.
Transfermarkt سايتىنىڭ مالمەتتەرىنە سايكەس، 24 جاسار قانداسىمىز «لەيشوينش» ساپىنا شىلدە ايىنىڭ باسىندا قوسىلىپ، ترانسفەرلىك قۇنى 100 مىڭ ەۋرونى قۇراعان
ايتا كەتەيىك، ەرجەت 2013 -جىلعى XII كەزەكتى جازعى جالپى قىتايلىق سپارتاكياداسىندا شىنجاڭ كومانداسىنىڭ قاقپاسىن قورعاپ، سول جىلى قىتايدىڭ U20 ۇلتتىق قۇراما ساپىنا قوسىلدى. سونداي- اق، قانداسىمىز ەلىمىزدە وتكەن پرەزيدەنت كۋبوگىنا بىرنەشە مارتە قاتىسقان. ەرجەت 2014 -جىلى پورتۋگاليانىڭ «گوندامار» كومانداسىنا قوسىلىپ، قىتاي تاريحىنداعى ەۋروپا كلۋبتارىندا ونەر كورسەتكەن العاشقى قاقپاشى اتاندى. ەكى جىلدان كەيىن ول «پاسۋش دە فەررەيرا» كومانداسىندا ءبىر جىل وينادى. بۇل كۇندە قانداسىمىز «لەيشوينش» ساپىندا ءۇش ويىنعا قاتىسىپ ۇلگەردى.
اۆتور: مۇحتار قاليموللا ۇلى