14:37, 31 - تامىز 2017 | GMT +6
قانات يسلامنىڭ قارسىلاسى برەندون كۋك استاناعا كەلدى
استانا. قازاقپارات - قازاقستاندىق كاسىپقوي بوكسشى قانات يسلامنىڭ (24- 0,19 ك و) كەزەكتى قارسىلاسى كانادالىق برەندون كۋك (18-0, 11 ك و) استاناعا كەلدى، دەپ حابارلايدى قازاقپارات ءتىلشىسى.
«قىركۇيەكتىڭ 9 كۇنى قازاقستاننىڭ سارىارقا ۆەلوترەگىندە بوكس كەشى وتەدى. بۇل ۇلكەن جەكپە-جەكتىڭ كەلىپ جەتۋىن اسىعا كۇتىپ ءجۇرمىن. مەنىڭ كومانداما وتە كەرەمەت تاجيربە بولادى. ءبىز وسىندامىز جانە ءبىز دايىنبىز»، - دەپ جازدى كانادالىق بوكسشى ءوزىنىڭ Instagram-داعى پاراقشاسىندا.
ەسكە سالا كەتەيىك، يسلام - كۋك جەكپە-جەگى 9- قىركۇيەك كۇنى استاناداعى «سارىارقا» ۆەلوترەگىندە وتەدى.
وتانداسىمىز ءبىرىنشى ورتا سالماقتاعى WBO NABO جانە WBA Inter- Continental بەلدىكتەرىن قوعايدى. سونداي-اق وسى جەكپە-جەكتىڭ اندەركارتىندا قازاقستاندىق 8 بوكسشى شارشى الاڭعا شىعادى.