ەكسپو قوناقتارىنا وڭتۇستىكتىڭ سۋسىندارى مەن جەمىسى تاراتىلدى - فوتو
ياعني، باس قالانىڭ تورىندە وڭتۇستىك قازاقستاندىق ونەرتاپقىش ەركىنبەك بوكەبايەۆ ويلاپ تاپقان «Qazaq Arbasy» - نىڭ ەكى داناسى قويىلىپ، وندا ۇلتتىق سۋسىندارىمىز - قىمىز، قىمىران جانە قۇرت، تۇستىك ايماقتىڭ دارحان دالاسىندا ءپىسىپ جەتىلگەن جەمىس-جيدەكتەر شاراعا كەلۋشىلەرگە تەگىن تاراتىلدى.
استاناداعى «بايتەرەك» الاڭىنىڭ ماڭىندا ۇيىمداستىرىلعان شاراعا قالا قوناقتارى مەن شەتەلدىك مەيماندار كوپتەپ كەلدى. العاشىندا تەگىن تاراتىلعان تاعامدارعا تاڭ قالعان حالايىق، كەيىننەن وڭتۇستىكتىڭ مىرزالىعىنا ءتانتى بولىپ، العىسىن ءبىلدىردى. ءىس-شارانى ۇيىمداستىرۋشىلاردىڭ ايتۋىنشا، وڭتۇستىكتىڭ استاناعا تارتۋى ارمەن قاراي دا، كۇنگەيدىڭ تەرىسكەيدەگى مادەني كۇندەرى اياقتالعانشا جالعاسادى.
ايتا وتەيىك، ەلباسى نۇرسۇلتان نازاربايەۆ «بولاشاققا باعدار: رۋحاني جاڭعىرۋ» باعدارلامالىق ماقالاسىندا ۇلتتىق كودتى ساقتاي ءبىلۋ ارقىلى ۇلتتىق سانانى جاڭعىرتۋ قاجەتتىگى جونىندەگى تاپسىرماسىنا وراي، وڭتۇستىك قازاقستاندىق ونەرتاپقىش ەركىنبەك بوكەبايەۆ ءداستۇردى ساقتاپ قالۋدىڭ تىڭ ۇلگىسى رەتىندە قازاقتىڭ ەسكى پىشىندەگى ارباسىنىڭ ۇستىنە كيىز ءۇيدى قوندىرعان جىلجىمالى دۇڭگىرشەك - «Qazaq Arbasy» - سىن ويلاپ تاپقان-دى. بۇل اربا قازاقتىڭ قىمىز-قىمىران سەكىلدى ۇلتتىق سۋسىندارىن ساتۋعا ارنالعان.