داۋرەن ابايەۆ «رۋحاني جاڭعىرۋ» اياسىنداعى جوبالاردىڭ جۇزەگە اسىرىلۋ بارىسىمەن تانىستى - فوتو
ولار: «قوزى كورپەش - بايان- سۇلۋ» جانە «باتىرلار» ۇلتتىق سەريالدارى، دەپ حابارلايدى «قازاقپارات» ح ا ا ءتىلشىسى.
مينيستر وسى شارادا بايان ماقسات قىزىنىڭ پروديۋسەرلىگىمەن دايىندالعان تەلەونىممەن تانىستى. پروديۋسەر قازاقتىڭ تاماشا حالىقتىق پوەماسى «قوزى كورپەش - بايان سۇلۋ» ليرو-ەپوستىق جىرىنىڭ جەلىسىمەن كينو تۇسىرگەن. فيلمگە «قازاقستان» ۇلتتىق تەلەارناسى تاپسىرىس بەرگەن. كەزدەسۋدە ونەرپازدار ۇجىمى مينيسترگە سەريالدىڭ مونتاجدالعان بولىگى مەن تيزەرىن كورسەتكەن.
«بۇل - ءبىز قولعا العان ەڭ كۇردەلى جوبا. تاريحي سەريالدى ءتۇسىرۋ وتە قيىن. ءبىراق، سوعان قاراماستان، ءبىزدىڭ كوماندا ءتاپ-ءتاۋىر تۋىندى شىعارۋعا تىرىسىپ باقتى. ەپوستى ەكراندا قايتا جاڭعىرتۋ ۇلكەن جاۋاپكەرشىلىك جۇكتەيتىنىن ايتقىم كەلەدى، ونىڭ ۇستىنە ونىڭ وتە كوپ نۇسقاسى بار. ءبىراق كورەرمەنگە ساپالى دۇنيە ۇسىنۋ ءۇشىن قولىمىزدان كەلگەنىن جاسادىق»، - دەيدى سەريال پروديۋسەرى بايان ماقسات قىزى.
داۋرەن ابايەۆ «حابار» تەلەارناسىنىڭ جاڭا ماۋسىمىنا ازىرلەنىپ جاتقان تاعى ءبىر ۇلتتىق سەريالدىڭ لوكاتسياسىمەن تانىستى. قازاق باتىرلارى جايىنداعى سەريالدى رەجيسسەر اسقار ۇزابايەۆ جوڭعار الاتاۋىندا ءتۇسىرىپ جاتىر. داۋرەن ابايەۆ قازىرشە «باتىرلار» دەپ اتالىپ وتىرعان وسى سەريالدىڭ ءبىر ەپيزودىنىڭ تۇسىرىلىمىندە بولدى.
«ەلباسىنىڭ تىكەلەي تاپسىرماسىمەن وتاندىق سەريالداردى كوبەيتۋ ۇستىندە جۇمىس ىستەپ جاتىرمىز. بارلىعى ويداعىداي ءجۇرىپ جاتسا، بيىل حالىققا 39 سەريال ۇسىنۋ جوسپاردا بار. ءبىز مۇندا قانشالىقتى كۇردەلى جۇمىس ءجۇرىپ جاتقانىن، جوباعا كوپتەگەن ادامدار جۇمىلدىرىلعانىن كورسەتۋ ءۇشىن كەلدىك. سەريال ءتۇسىرۋ جۇمىسىن ۇيىمداستىرۋ، مىنا كوستيۋمدەردى تىگۋ - مۇنىڭ بارلىعى وڭاي تىرلىك ەمەس. ءبىراق نەگىزگى باعانى كورەرمەن بەرەدى. سوندىقتان، بۇل جاقسى بولادى دەپ ۇمىتتەنەمىن»، - دەپ اتاپ ءوتتى داۋرەن ابايەۆ.
ءىسساپار اياسىندا داۋرەن ابايەۆقا اقپارات جانە كوممۋنيكاتسيالار ءمينيسترىنىڭ ءوزى قايتارا المايتىنداي ۇسىنىس جاسالدى.
«24 ساعات تابيعات قۇشاعىندا» جاڭا رەاليتي-شوۋىنىڭ تۇساۋكەسەرىندە «قازاقستان» ر ت ر ك» اق باسقارما ءتوراعاسى ەرلان قارين اقپارات جانە كوممۋنيكاتسيالار ءمينيسترى داۋرەن ابايەۆتى باعدارلاما حابارلارىنىڭ بىرىندە قوناق بولۋعا شاقىردى. ءمينيستردىڭ ءوزى ايتقانداي، ەندى شوۋ-24 حابارىنا قاتىسۋ ءۇشىن بوس ۋاقىت تابۋ ماسەلەسىن شەشۋ عانا قالدى.