ماسكەۋلىكتەر قازاقستاندىقتاردى كونستيتۋتسيا كۇنىمەن قازاقشا قۇتتىقتادى - ۆيدەو
«مەرەكە قۇتتى بولسىن!»، «العا، قازاقستان!» ماسكەۋلىكتەر قازاقستان حالقىن ايتۋلى مەيراممەن وسىلاي قۇتتىقتاۋدا. رەسەي استاناسىنىڭ چيستوپرۋدنىي بۋلۆارىنداعى تىلەكتەر قازاق تىلىندە ايتىلدى»، - دەلىنەدى YouTube بەينەحوستينگىنە ر ف- داعى قازاقستان رەسپۋبليكاسىنىڭ ەلشىلىگى جاريالاعان ۆيدەوعا جازىلعان تۇسىنىكتەمەدە.
قالا تۇرعىندارى وزدەرىنە تانىس ەمەس تىلدە قۇتتىقتاسا دا، ولاردىڭ سوزدەرىنەن جىلىلىق پەن شىنايىلىق بايقالادى. ديپلوماتيالىق كەڭسەنىڭ فەيسبۋكتەگى رەسمي پاراقشاسىندا ماسكەۋلىكتەردىڭ شىن جۇرەكتەن باۋىرلاس حالىققا اماندىق، ىزگىلىك جانە باقىت تىلەگەنى ايتىلادى.
بۇرىن بەلگىلى بولعانىنداي، ماسكەۋدە وقىپ جۇرگەن قازاق ستۋدەنتتەرى، «بولاشاق» باعدارلاماسىنىڭ ستيپەندياتتارى، سونداي-اق «جاس تۇلپار» قازاقستان ستۋدەنتتەرى بىرلەستىگىنىڭ بەلسەندىلەرى رەسەيدەگى قازاقستان ەلشىلىگىنىڭ قولداۋىمەن قازاقستان رەسپۋبليكاسىنىڭ كونستيتۋتسيا كۇنىنە وراي فلەشموب ۇيىمداستىرعان. مەرەكە كۇنى ۇلى اباي ەسكەرتكىشىنىڭ ماڭىنداعى چيستوپرۋدنىي ساياباعى فلەشموبقا قاتىسۋشىلار جەلبىرەتكەن قازاقستان مەملەكەتتىك تۋىنان كوك تۇسكە بويانعان.