11:29, 31 - تامىز 2017 | GMT +6
سينگاپۋر پرەزيدەنتى ءوز وكىلەتتىگىنەن باس تارتتى
استانا. قازاقپارات - سينگاپۋر پرەزيدەنتى توني تان بەيسەنبى كۇنى ەڭ جوعارعى مەملەكەتتىك بيلىكتە التى جىل قىزمەت ەتكەننەن كەيىن رەسمي تۇردە ءوز وكىلەتتىگىنەن باس تارتتى، دەپ حابارلايدى BBC اگەنتتىگى.
جاڭا مەملەكەت باسشىسىنىڭ سايلاۋى 23- قىركۇيەك كۇنى وتەدى، وعان ءۇش ۇمىتكەر قاتىسادى. 77 جاستاعى ساياساتكەر سينگاپۋردىڭ جاڭا تاريحىنداعى جەتىنشى پرەزيدەنت بولدى. ول 2011-جىلى وتكەن سايلاۋدا جەڭىپ شىققان ەدى. توني تان ءتۇرلى جىلدارى ۆيتسە-پرەمەر، قورعانىس ءمينيسترى، مەملەكەتتىك ينۆەستيتسيالىق كورپوراتسيانىڭ اتقارۋشى ديرەكتورى (GIC) بولعان ەدى.
ەل كونستيتۋتسياسىنا سايكەس، پرەزيدەنتتىڭ بيلىگى شەكتەۋلى، ال مەملەكەتتى ءىس جۇزىندە پرەمەر-مينيستر باسقارادى.