10:20, 31 - تامىز 2017 | GMT +6
لوندون فەستيۆالىندە بيلەگەن پوليتسەي جەلى جۇلدىزىنا اينالدى - كەسكىن
استانا. قازاقپارات - بريتانيادا لوندون قالاسىنداعى اۋدانداردىڭ بىرىندە وتكەن فەستيۆال كەزىندە ەرەكشە بيىمەن كوزگە تۇسكەن پوليتسەي جەلى جۇلدىزىنا اينالدى.
34 جاسار دەنيەل گرەمنىڭ قىزمەتتىك فورمادا كورسەتكەن ونەرىنە جەلى قولدانۋشىلارى ءتيىستى باعاسىن بەرىپ، «تۆيتتەر» الەۋمەتتىك جەلىسىندە ۆيدەو حيتكە اينالىپ ۇلگەردى، دەپ حابارلايدى Evening Express باسىلىمى.
باسىلىمنىڭ حابارلاۋىنشا، وسىدان ءبىر جىل بۇرىن وسى پوليتسەي بريتانيا تالانتتارى بايقاۋىندا باق سىناپ، فينالعا وتپەي قالعان ەكەن.
دەنيەل گرەم ءوزىنىڭ ينستاگرام جەلىسىندەگى پاراقشاسىندا كەيدە ءوز تالانتىن پاش ەتەتىن ۆيدەولاردى جاريالاپ تۇراتىن كورىنەدى.
دەرەككوزى: https://life.ru