08:20, 31 - تامىز 2017 | GMT +6
قازاقستاندا تۋعان رەسەيلىك ءانشىنى كولىك قاعىپ كەتتى
استانا. قازاقپارات - ماسكەۋ ورتالىعىندا قازاقستاندا تۋعان رەسەيلىك اتاقتى ءانشى ليندانى جۇك كولىگى قاعىپ كەتتى، دەپ حابارلايدى ر ب ك.
ماسكەۋ ورتالىعىنداعى نەگىزگى كوشەلەردىڭ جاياۋ جۇرگىنشىلەر وتەتىن جولدا بولعان كولىك وقيعاسىنان ەكى ادام زارداپ شەككەن.
ونىڭ ءبىرى وڭتۇستىك قازاقستان وبلىسىنىڭ كەنتاۋ قالاسىندا تۋعان رەسەيلىك ءانشى ليندا (سۆەتلانا گەيمان).
بۇل اقپاراتتى ءانشىنىڭ ديرەكتورى ميحايل كۋۆشينوۆ راستادى.
«مەديتسينالىق تەكسەرۋ ءجۇرىپ جاتىر»، - دەدى ميحايل كۋۆشينوۆ. جۇك كولىگى جولدان ءوتىپ بارا جاتقان ەكى ادامدى قاعىپ، وقيعا ورنىنان قاشىپ كەتكەن.
كەيىن پوليتسيا قىزمەتكەرى جول ءتارتىبىن بۇزعان جۇرگىزۋشىنى ۇستادى. تەرگەۋ امالدارى جۇرگىزىلىپ جاتىر.