07:07, 31 - تامىز 2017 | GMT +6
قاراعاندى وبلىسىنداعى شاحتالاردىڭ بىرىندە مەتان تارالدى
استانا. قازاقپارات - قاراعاندى وبلىسىنداعى شاحتالاردىڭ بىرىندە وقىس وقيعا بولدى.
بۇل تۋرالى ق ر ءى ءى م ت ج ك- نىڭ رەسمي وكىلى رۋسلان يمانقۇلوۆ ءمالىم ەتتى، دەپ حابارلايدى قازاقپارات.
«بۇگىن 31- تامىزدا تاڭعى ساعات 4 تەر شاماسىندا قاراعاندى وبلىسى شاحتينسك قالاسىنداعى «ارسەلور ميتتال تەمىرتاۋ» كومپانياسىنا تيەسىلى «قازاقستان» شاحتاسىندا كەنەت مەتان گازى تاراعان.
شاحتادا باستاپقى مالىمەت بويىنشا 136 ادام بولعان. ال اپاتتى ۋچاسكەدە الدىن الا دەرەككە سايكەس 4 ادام قالعان. قازىرگى ۋاقىتتاعى قولدا بار دەرەك بويىنشا شاحتا قىزمەتكەرلەرى تىرشىلىك بەلگىسى جوق 3 ادامدى تاپقان»، - دەلىنگەن حابارلامادا.
قازىر ق ر ي د م يندۋستريالدىق دامى جانە ونەركاسىپتىك قاۋىپسىزدىك كوميتەتىنىڭ كاسىبي اسكەريلەندىرىلگەن اپاتتىق-قۇتقارۋ قىزمەتىنىڭ ماماندارى وقيعا ورنىندا جۇمىس ىستەۋدە.