مايعازيەۆتىڭ جارى: ساكەنگە جاس قىزدار قارايدى، مەن ۇيدەن ونى سوعان لايىقتى باپتاپ شىعارىپ سالامىن - فوتو
قوس عاشىقتىڭ ءومىرىن سۋرەتتەيتىن ترەكتىڭ ءسوزىن جاراس سارسەك ورنەكتەسە، سازىن ءايۇل باجانوۆا جازعان. ال، Stan.kz تىلشىسىنە ەكسكليۋزيۆتى سۇحبات بەرگەن جاراسىمدى جۇپتان جاڭا كليپتىڭ سيۋجەتى جايلى سۇراعان ەدىك.
«الدىڭعى اعا تولقىندى بەينەبايانىمىزعا قوستىق جانە سول ادەمى ءۇردىس، ۇرپاقتار ساباقتاستىعى بىزبەن جالعاسادى. بىزبەن توقتاپ قالماسىن، ارى قاراي وسى ماحاببات جالعاسسىن دەگەن نيەتپەن، بىزدەن كەيىن تاعى ءبىر ءالى قوسىلماعان جاراسىمدى جاس جۇپتى كليپكە تۇسىردىك» ، - دەيدى ساكەن جاڭا كليپ جايلى.
ساكەن، بۇل بەينەبايان ارقىلى جۇبايىنا دەگەن العىسىنىڭ شەكسىز ەكەنىن جەتكىزگىسى كەلگەن. ويتكەنى، ونەر يەسىن ءاردايىم قولداۋدا دينارا حانىم قول قۋسىرىپ قالمايتىنىن ايتادى.
«ساكەن، ساعان قانشاما جاس قىزدار قارايدى، قانشاما سۇلۋلار قارايدى. سول كەزدە سەن «لايىقتى» بولىپ تۇرۋ كەرەكسىڭ دەپ كەرىسىنشە باپتاپ، قاناتتاندىرىپ ۇيدەن شىعارىپ سالامىن» ، - دەيدى ساكەننىڭ جۇبايى دينارا.
سونداي- اق، 20 جىل بويى ءبىر شاڭىراق استىندا عۇمىر كەشكەن ۇلگىلى وتباسى وسى ۋاقىتقا دەيىن ءتۇرلى قيىندىقتاردى دا باستان كەشكەندەرىن ايتادى.
«ەكەۋىمىزدە ستۋدەنت بولدىق. دۇڭگىرشەكتە جۇمىس ىستەپ، نان ساتىپ، ناپاقامىزدى تاپتىق. كىرپىش زاۋىتىندا جۇمىس جاساۋىما تۋرا كەلدى. كۇزەتشىلىك جۇمىسقا دا كەتتىم. ەڭ باستىسى اياعىمدى اسپانعا كوتەرىپ، كورىنگەندى سىناپ جاتقان جوقپىن» - دەيدى وتكەن كۇندەرىن ەسىنە العان ساكەن مايعازيەۆ.
ال، جاراسىمدى جۇپتىڭ «جۇرەگىمنىڭ ىشىندەگى جۇرەگىم» اتتى جاڭا بەينەبايانى جاقىن كۇندەرى قالىڭ كوپشىلىككە ۇسىنالاتىن بولادى.