14:03, 30 - تامىز 2017 | GMT +6
تاياۋدا يسلام كاريموۆتىڭ مەموريالدىق كەشەنى اشىلادى
استانا. قازاقپارات - 2 -قىركۇيەك كۇنى سامارقاند قالاسىندا وزبەكستاننىڭ تۇڭعىش پرەزيدەنتى يسلام كاريموۆتىڭ قابىرىندە مەموريالدىق كەشەن اشىلادى.
بۇل تۋرالى ونىڭ كەنجە قىزى لولا كاريموۆا- تيلليايەۆا ءمالىم ەتتى، دەپ حابارلايدى Podrobno.uz.
«ورتالىق ازياداعى ساۋلەت ونەرىنىڭ ەڭ ۇزدىك ەلەمەنتتەرى مەن ءداستۇرى جيناقتالعان ماۆزولەي 2 -قىركۇيەك كۇنى - اكەمنىڭ دۇنيەدەن وتكەنىنە ءبىر جىل تولعان كەزدە اشىلادى»، - دەدى لولا كاريموۆا- تيلليايەۆا سامارقاندتاعى حالىقارالىق كونفەرەنسيادا سويلەگەن سوزىندە. بايانداما ءماتىنى ونىڭ فەيسبۋكتەگى پاراقشاسىندا جاريالاندى.
وتكەن جىلى يۋنەسكو جانىنداعى وزبەكستاننىڭ تۇراقتى وكىلدىگى يۋنەسكو جانە يكوموس بۇكىل الەمدىك مۇرا ورتالىعىمەن بىرلەسىپ يسلام كاريموۆتىڭ قابىرىنىڭ ورنىندا مەموريالدىق كەشەن قۇرىلىسى جوباسىمەن جۇمىس ىستەدى.