جاڭادان تاعايىندالعان ق ر ۆيتسە-پرەمەرلەرى قانداي سالالارعا جاۋاپ بەرەدى
ق ر پرەمەر-ءمينيسترى باقىتجان ساعىنتايەۆ ءوزىنىڭ جاڭا ورىنباسارلارىن تانىستىرا وتىرىپ، ەربولات دوسايەۆتىڭ ەكونوميكالىق بلوكتى كۇشەيتەتىنىن، سونىڭ ىشىندە ەكونوميكانىڭ باستى سالالارىن جاڭعىرتۋ بويىنشا جوبالاردى ىسكە اسىرۋ جۇمىستارىن ۇيلەستىرۋمەن اينالىساتىنىن اتاپ ءوتتى.
اسقار جۇماعاليەۆ ەكونوميكانى سيفرلاندىرۋ بويىنشا جۇرگىزىلىپ جاتقان جۇمىستارعا، سونىڭ ىشىندە بۇگىنگى كۇن تارتىبىندە تۇرعان «سيفرلىق قازاقستان» مەملەكەتتىك باعدارلاماسىنىڭ جوباسىنا جەتەكشىلىك ەتەدى.
باقىتجان ساعىنتايەۆ 18 -تامىزدا وڭىرلەردى الەۋمەتتىك- ەكونوميكالىق دامىتۋ جانە مەملەكەتتىك باعدارلامالاردى ىسكە اسىرۋ ماسەلەلەرى بويىنشا وتكەن كەڭەس اياسىندا، سونىمەن قاتار 25 -تامىزدا جاڭعىرتۋ جونىندەگى ۇلتتىق كوميسسيا قىزمەتىنىڭ ماسەلەلەرى بويىنشا وتكەن كەڭەس اياسىندا مەملەكەت باسشىسى ۇكىمەتكە ناقتى مىندەتتەر جۇكتەگەنىن ايتىپ ءوتتى.
وسىعان وراي، ەسكەرتۋلەردى ەسكەرىپ، بارلىق تاپسىرمالاردىڭ ورىندالۋىن قامتاماسىز ەتۋ، ەكونوميكا ءوسىمىنىڭ قازىرگى قارقىنىن ساقتاۋ قاجەت.
ەسكە سالا كەتەيىك، ق ر پرەزيدەنتى نۇرسۇلتان نازاربايەۆتىڭ جارلىقتارىنا سايكەس، دوسايەۆ ەربولات اسقاربەك ۇلى مەن جۇماعاليەۆ اسقار قۋانىش ۇلى ق ر پرەمەر-ءمينيسترىنىڭ ورىنباسارلارى بولىپ تاعايىندالدى.