قىتاي مولدوۆا ارمياسىنا ءبىرقاتار تەحنيكانى سىيعا بەردى
ءىس- شارا بارىسىندا قورعانىس ءمينيسترىنىڭ ورىنباسارى گەورگە گالبۋرا بۇل كومەكتىڭ قىمبات ينۆەستيتسيانى قاجەت ەتەتىن ۇلتتىق ارميانى جابدىقتاۋداعى ماڭىزدى ۇلەس سانالاتىنىن ءمالىم ەتتى.
«ۇلتتىق اسكەرىمىزدىڭ جابدىقتارى بىرلەسكەن كەلىسىم نەگىزىندە قىتاي ۇلتتىق قورعانىس مينيسترلىگىنىڭ ۇسىنعان تەحنيكالىق جابدىقتار توپتاماسىمەن تولىقتى. وسى كومەك ءۇشىن، سونداي- اق كورسەتىلىپ جاتقان بارلىق قولداۋ ءۇشىن العىس بىلدىرەمىز»، - دەدى گالبۋرا.
ءوز كەزەگىندە م ر- داعى ق ح ر ەلشىسى چجان ينحۋن اتاپ وتكەندەي، سوڭعى جىلدارى اسكەري سالاداعى ىنتىماقتاستىق جاندانىپ، ەكى ەل اراسىنداعى سەنىمدىلىكتى نىعايتۋعا ىقپال ەتۋدە.
«وسى وزىق تەحنيكالاردىڭ سىزدەر ءۇشىن زاماناۋي قولداۋ بولىپ تابىلاتىنىنا ۇمىتتەنەمىز. سوڭعى 20 جىلدا قىتاي مەن مولدوۆا اراسىندا، اسىرەسە ساياسي، ەكونوميكالىق جانە گۋمانيتارلىق سالالاردا جاقسى ەكىجاقتى قاتىناس ورنادى. مۇنداي ارەكەتتەر ازاماتتاردىڭ ءومىرىن جاقسارتۋعا باعىتتالادى»، - دەدى ەلشى.
