پاكىستان مەن قىتاي اراسىنداعى قارىم- قاتىناس نىعايىپ كەلەدى
ترامپتىڭ مالىمدەمەسىنەن كەيىن قىتاي سىرتقى ىستەر مينيسترلىگىنىڭ رەسمي وكىلى پاكىستانعا قاتىستى كەرەعار پىكىر ايتتى. ونىڭ سوزىنشە، كەرىسىنشە پاكىستان لاڭكەستىكپەن كۇرەستە تاباندىلىق كورسەتىپ كەلەدى جانە بۇل جولدا ۇلكەن قۇرباندىققا بارعان.
سوڭعى كەزدەرى 2 ەل، ياعني رەسمي بەيجىڭ مەن يسلاماباد اراسىنداعى ساياسي قارىم- قاتىناسپەن قاتار، ەكونوميكالىق بايلانىس تا نىعايىپ كەلەدى. بىلتىر اسپان استى ەلى ولارعا 60 ميلليارد دوللار كولەمىندە ينۆەستيتسيا قۇيعان. بۇل قاراجات ينفراقۇرىلىمدىق جوبالاردى جەتىلدىرۋگە، سونىمەن قاتار ايرىقشا ەكونوميكالىق ايماقتى قالىپتاستىرۋ ماقساتىندا بولىنگەن. پاكىستان تاراپى بولسا، قىتايلىق ينۆەستورلاردىڭ قاۋىپسىزدىگىن قامتاماسىز ەتۋگە نەمقۇرايلى قاراماي، ولاردى باستى نازاردا ۇستايتىنىن العا تارتتى.
احسان يكبال، پاكىستاننىڭ ىشكى ىستەر ءمينيسترى:
- قىتاي جۇمىسشىلارىنىڭ قاۋىپسىزدىگى باستى نازاردا. ويتكەنى ولار پاكىستاندى كوركەيتۋگە اتسالىسىپ جاتىر.
www.24.kz