استانادا كونستيتۋتسيا كۇنىندە قايدا بارۋعا بولادى؟
ەلباسىنىڭ سوزىنشە، كونستيتۋتسيا ەلىمىزدىڭ باستى زاڭى رەتىندە قازاقستان حالقىنىڭ بوستاندىعىن قامتاماسىز ەتەتىن «دەموكراتيالىق، زايىرلى، قۇقىقتىق جانە الەۋمەتتىك مەملەكەت رەتىندە ونىڭ جوعارى قۇندىلىعى ادام جانە ونىڭ ءومىرى، قۇقىعى جانە بوستاندىعى» بولىپ تابىلادى. ق ر كونستيتۋتسياسىنىڭ ءبىرىنشى بابى ءوزىن دەموكراتيالىق، زايىرلى، قۇقىقتىق جانە الەۋمەتتىك مەملەكەت رەتىندە بەكىتەدى. ونىڭ باستى قۇندىلىقتارى - ادام، ونىڭ ءومىرى، قۇقىعى مەن بوستاندىعى.
قازاقستان پرەزيدەنتى نۇرسۇلتان نازاربايەۆتىڭ ايتۋى بويىنشا، كونستيتۋتسيا - بوستاندىقتىڭ نەگىزى. پارلامەنت پالاتالارىنىڭ بىرلەسكەن وتىرىسىندا 2017 -جىلى 18 - مامىردا نەگىزگى زاڭعا ەنگىزىلگەن وزگەرتۋلەرگە سايكەس، قازاقستان مەملەكەتتىك قۇرىلىم فورماسى بويىنشا پرەزيدەنتتىك- پارلامەنتتىك باسقارۋ ۇلگىسىمەن ۋنيتارلى مەملەكەت بولىپ تابىلادى.
كونستيتۋتسيا كۇنى رەسپۋبليكامىزدىڭ بارلىق وبلىستارى مەن قالالارىندا ءداستۇرلى تۇردە بۇقارالىق، مەرەكەلىك تويلاۋ جانە كوركەمونەرپازدار كونسەرتى وتەدى. استانا اكىمدىگى ەلوردا تۇرعىندارى مەن قوناقتارىنا اۋقىمدى مادەني- ويىن- ساۋىق باعدارلاما ازىرلەدى.
30- تامىز كونستيتۋتسيا مەرەكەسىن تويلاۋ اياسىندا استانادا كوپتەگەن مادەني- بۇقارالىق شارالار مەن كونسەرتتەر وتەدى.
11:00-دە «اراي» ساياباعىندا امفيتەاتردىڭ سالتاناتتى اشىلۋى بولادى. 17:00-دەن 19:00-گە دەيىن قازاقستان رەسپۋبليكاسىنىڭ كونستيتۋتسياسى كۇنى وڭتۇستىك قازاقستان وبلىسىنىڭ مادەنيەت كۇندەرى اياسىندا «ەكسپو- عا وڭتۇستىكتەن ءان شاشۋ!» اتتى گالا- كونسەرت وتەدى. 18:00-دەن 23:00-گە دەيىن اكىمدىك عيماراتىنىڭ الدىنداعى قالالىق الاڭدا قازاقستان رەسپۋبليكاسى كونستيتۋتسياسى كۇنىنە ارنالعان كونسەرت بولادى.
سونداي- اق، 18:00-دەن 23:00-گە دەيىن اكىمدىك عيماراتىنىڭ الدىنداعى قالالىق الاڭدا (بەيبىتشىلىك كوشەسى 11) جانە «بايتەرەك» مونۋمەنتىنىڭ الاڭىندا قازاقستاندىق ارتىستەردىڭ قاتىسۋىمەن مادەني- ويىن ساۋىق باعدارلاماسى ۇسىنىلادى. جينالعاندارعا كوپشىلىكتىڭ سۇيىكتى ورىنداۋشىلارى ەركە ەسماحان، ءالي وقاپوۆ، شاحريزات، رينات مالتساگوۆ، كۇلايىم قايىربايەۆا جانە تاعى دا باسقا ارتىستەر ونەر كورسەتەدى.
اقپارات كوزى: استانا قالاسى اكىمدىگىنىڭ باسپا ءسوز قىزمەتى