اكەلەر كۇنى پايدا بولۋى مۇمكىن
«يزۆەستيا» باسىلىمىنىڭ جازۋىنا قاراعاندا، بۇل باستامانى 2014 -جىلى « ءبىرىڭعاي رەسەي» پارتياسىنىڭ مۇشەسى، مەملەكەتتىك دۋمانىڭ دەپۋتاتى الەكساندرا سيدياكينا كوتەرگەن ەكەن. بۇل ۇسىنىس ەڭبەك جانە حالىقتى الەۋمەتتىك قورعاۋ مينيسترلىگى مەن رەسەي ايەلدەر وداعى ۇيىمىنان قولداۋ تاۋىپ، پرەزيدەنت اكىمشىلىگىنە ۇسىنىلعان. پارلامەنتتىك تىڭداۋدان كەيىن ايەلدەر كوتەرگەن باستاما پرەزيدەنت اكىمشىلىگىنە كەلىپ تۇسكەن.
«يزۆەستيا» گازەتى «ەگەر پرەزيدەنت اتالعان ۇسىنىستى قولدايتىن بولسا، وندا انالار كۇنىمەن قاتار، رەسەيدە اكەلەر كۇنى دە تويلاناتىن بولادى» دەپ وتىر. كەيبىر دەرەكتەرگە قاراعاندا، اكەلەر كۇنىن اتاپ ءوتۋ قازان ايىنىڭ ەكىنشى جەكسەنبىسىنە جوسپارلانىپ وتىرعان كورىنەدى.
«ءبىرىڭعاي رەسەي» پارتياسى اتالعان باستامانى قولدايتىندىقتارىن ءبىلدىردى، «ءبىراق شەشىم قابىلداۋ پرەزيدەنتكە جانە زاڭدىلىق مارتەبەسىن ناقتىلاۋ مەملەكەتتىك دۋماعا تيەسىلى» .
بۇل قادام وتباسىلىق قۇندىلىقتاردى ناسيحاتتاۋ ماقساتىندا جاسالىنىپ وتىرعانعا ۇقسايدى.
بەرىك بەيسەن ۇلى
«ايقىن»