قازاقستان ا ق ش پەن رەسەي اراسىنداعى سانكسيالىق تەكە- تىرەستىڭ كۇشەيۋىنە الاڭداۋلى - ەلباسى
«XXI عاسىرداعى تۇراقتىلىق پەن يادرولىق قاۋىپسىزدىك ەڭ ءبىرىنشى كەزەكتە رەسمي يادرولىق دەرجاۆالارعا بايلانىستى. ولاردىڭ اراسىندا قارىم- قاتىناس ادامزات ءۇشىن باستى ءارى ايقىنداۋشى مانگە يە. بۇگىندە ءبىز ا ق ش پەن رەسەي اراسىنداعى سانتسيالىق تەكە- تىرەستىڭ كۇشەيۋىنە الاڭداۋلىمىز. بۇل الەمدەگى ەكى جەتەكشى يادرولىق مەملەكەت اراسىنداعى شيەلەنىستى كۇشەيتە تۇسەدى دەپ سانايمىز. بۇل بارشا ادامزاتتى الاڭداتپاي قويمايدى»، - دەدى ەلباسى.
وسى رەتتە مەملەكەت باسشىسى ساۋدا- ەكونوميكالىق جانجالدىڭ كۇشتىك تەكە- تىرەسكە ۇلاسىپ كەتۋىنە جول بەرمەۋ بارىنشا ماڭىزدى ەكەندىگىن باسا ايتتى.
«كورەي حالىقتىق دەموكراتيالىق رەسپۋبليكاسى توڭىرەگىنە قاتىستى جايتتا ءبىز ب ۇ ۇ قاۋىپسىزىدىك كەڭەسىنىڭ 2371 - تۇبەگەيلى قولدايمىز. ا ق ش، رەسەي جانە قىتاي سىندى ءۇش يادرولىق مەملەكەتتىك ىنتىماقتاستىعى ءۇشىن بايىپتى تۇعىرناما ءدال وسى ماسەلەدە باستالۋى مۇمكىن دەپ ەسەپتەيمىز. بۇگىندە ۋاقىت ءۇش زاتتى تالاپ ەتەدى. ولار: جاھاندىق ۇيلەسىمدىلىك، ساياسي ەرىك - جىگەر، تاباندى ءوزارا ءىس- قيمىل»، دەدى نۇرسۇلتان نازاربايەۆ.
قازاقستان پرەزيدەنتى حالىقارلىق تىنىس- تىرشىلىكتى ساياسي سەنىم مەن جۇيەلى ديالوگقا قايتا ورالتۋ قاجەتتىگىن دە باسا ايتىپ ءوتتى.
«قازاقستان ءوزىنىڭ بىتىمگەرشىلىك ميسسياسىنا ادال، ءوزىنىڭ حال- قادىرى مەن مۇمكىندىگىنشە كۇردەلى الەمدىك پروبلەمالاردى شەشۋگە ۇلەس قوسىپ كەلەدى. وزدەرىڭىزدە بىلەتىندەي، وتكەن جىلى سيرياارالىق كەلىسسوزدەردىڭ بەس كەزەڭى استانادا ءوتتى. ولار اسكەري ءىس- قيمىلدىڭ توقتاۋىنا تۇرتكى بولدى. سونىمەن قاتار الماتىدا يراننىڭ يادرولىق پروبلەماسىنا قاتىستى كەلىسسوزدەر جۇرگىزىلگەن بولاتىن. مۇنان بولەك، قازاقستاننىڭ رەسەيلىك- تۇركيالىق بۇلىنگەن قارىم- قاتىناستى دۇرىس جولعا قويۋعا دا ءوز ۇلەسىن قوسقانى قۇپيا ەمەس. ءبىز بىتىمگەرشىلىك باعىتتا ودان ارى دا كومەك كورسەتۋگە دايىنبىز. قازاقستان ۋكراينانىڭ وڭتۇستىك- شىعىسىنداعى داعدارىستى شەشۋگە دە ءبىراز قادام جاسادى جانە ديالوگتى ودان ارى ىلگەرىلەتۋگە جاردەم بەرۋگە دايىن. ءبىز اتالعان جانجال تاراپتارىن ونى ەڭسەرۋ جولدارىن تابۋعا شاقىرامىز»، - دەدى نۇرسۇلتان نازاربايەۆ.
اۆتور: مارلان جيەمباي
