ماگاتە بانكىنىڭ اشىلۋى قازاقستاندا اتوم سالاسىنداعى جوعارى ساپانى بىلدىرەدى
«جاھاندىق ەكونوميكالىق ءومىر تۇبەگەيلى وزگەرۋدە، الايدا ەڭ الدىڭعى قاتارلى تسيفرلىق ەكونوميكاعا دا ەنەرگيا قاجەت، ياعني كوپ ەنەرگيا كەرەك بولادى. ءداستۇرلى ەنەرگيا كوزدەرىنە قاراعاندا، ۋراندا ميلليونداعان ەسە ەنەرگيانىڭ ۇلكەن كونتسەنتراتسياسى بار ەكەنىن ەسكە سالعان ءجون. سوندىقتان دا يادرولىق ەنەرگەتيكا بالامالى بولىپ تابىلادى ءارى باسقالارىنا قاراعاندا تيىمدىرەك»، - دەدى مەملەكەت باسشىسى.
وسى ورايدا پرەزيدەنت قازىرگى كەزدە الەمدە 51- دەن استام اتوم ەلەكتر ستانساسى سالىنىپ جاتقانىن، ال 2030 -جىلعا قاراي 500-گە تارتا ا ە س جوسپارلانىپ وتىرعانىن اتاپ ءوتتى.
«بولاشاقتا يادرولىق ەنەرگەتيكانىڭ جاڭعىرتىلۋى ەلەۋلى. سوندىقتان تومەن بايىتىلعان ۋران بانكىن ورنالاستىرۋ ءۇشىن قازاقستاننىڭ تاڭدالۋى ءبىزدىڭ ەلدىڭ اتوم سالاسىنداعى ساپانى بىلدىرەدى. ەستەرىڭىزگە سالا كەتەيىن، ءتۇرلى ەسەپتەۋلەرگە قاراعاندا، قازاقستاندا الەم بويىنشا ۋران قورىنىڭ 30 پايىزعا دەيىنگى ۇلەسى شوعىرلانعان. بۇگىندە ءبىز ۋران ءوندىرۋشى ءىرى ەلدەردىڭ ءبىرىمىز جانە الەمدىك ەنەرگەتيكادا ماڭىزدى ءرول اتقارۋعا دايىنبىز»، - دەدى مەملەكەت باسشىسى.