باۋىرجان بايبەك جاڭا ورىنباسارىن تانىستىردى

الماتى. قازاقپارات - الماتى قالاسى اكىمىنىڭ ورىنباسارى ەرلان اۋكەنوۆتىڭ ورنىنا الماس ماديەۆ تاعايىندالدى، دەپ حابارلايدى قازاقپارات ءتىلشىسى قالالىق اكىمدىكتىڭ باسپا ءسوز قىزمەتىنە سىلتەمە جاساي وتىرىپ.

 قالالىق اكىمدىكتىڭ باسپا ءسوز قىزمەتىنىڭ اقپاراتىنا سۇيەنسەك، ەرلان اۋكەنوۆتىڭ قىزمەتىنەن ۋاقىتشا كەتۋى ونىڭ شەتەلدەگى وقۋىنا بايلانىستى بولىپ وتىر.

 «قازاقستان رەسپۋبليكاسى پرەزيدەنتى اكىمشىلىگىنىڭ كەلىسىمىمەن، الماس ماديەۆ لوندوننىڭ ەكونوميكا جانە ساياسي عىلىمدار مەكتەبىنە وقۋعا تۇسكەن ەرلان اۋكەنوۆتىڭ ءبىر جارىم جىلدىق وقۋ دەمالىسى مەرزىمىندە الماتى قالاسى اكىمىنىڭ ورىنباسارى قىزمەتىن اتقارادى»، - دەلىنگەن حابارلامادا.

ايتا كەتەيىك، ەرلان اۋكەنوۆتىڭ قالادا ەنەرگەتيكالىق كەشەن مەن كوممۋنالدى شارۋاشىلىق سالالارىنا، كاسىپكەرلىك پەن ينۆەستيتسيا تارتۋ ماسەلەلەرى بويىنشا جاۋاپتى بولدى. قالالىق اكىمدىكتىڭ حابارلاۋىنشا، سوڭعى 2 جىل ىشىندە الماتىنىڭ يندۋستريا كارتاسىنا 190 ميلليارد تەڭگەنىڭ 100 جوباسى ەنگىزىلدى، ونىڭ قۇنى 35,6 ميلليارد تەڭگە بولاتىن 33 جوباسى ىسكە استى، سونىڭ ارقاسىندا قالادا 2,7 مىڭ جاڭا جۇمىس ورنى پايدا بولدى.

 «بيزنەستىڭ جول كارتاسى» جانە قالالىق «جىبەك جولى» باعدارلامالارى اياسىندا 2015 -جىلدان باستاپ 755 بيزنەس- جوبا مەملەكەتتەن قولداۋ تاپتى، ناتيجەسىندە 3,4 جاڭا جۇمىس ورنى اشىلىپ، بۇرىننان بار 10 مىڭنان استامى ساقتالىپ قالدى. «جىبەك جولىنىڭ» يگى ىستەرىن سارالاي كەلىپ، بيىلعى جىلى ءۇش جاڭا وڭىرلىك باعدارلامالار: «الماتى ءونىم»، «الماتى يننوۆاتسيا» جانە «الماتى تۋريزم» جۇمىس ىستەي باستادى. بۇلاردىڭ جالپى قۇنى 1,3 ميلليارد تەڭگە. 2016 -جىلى قۇنى 156,6 ميلليارد تەڭگە بولاتىن 131 وبەكت اشىلدى جانە 3 مىڭنان استام جاڭا جۇمىس ورنى قۇرىلدى. 2017 كارتاعا 155 ميلليارد تەڭگەنىڭ 93 جوباسى ەندى.

 اتاپ وتەرلىك جايت، الماتى بويىنشا باعالاناتىن قازاقستان «Doing Business»  حالقارالىق رەيتينگىندە 2015 -جىلدان 77-دەن 35 ورىنعا كوتەرىلدى. بۇكىلالەمدىك بانكتىڭ باعاسى بويىنشا سۋبۇلتتىق رەيتينگتە الماتى 8 قالانىڭ ىشىنەن 1- ورىندى يەلەندى. جىلۋەنەرگەتيكا كەشەنى مەن ت ۇ ك ش- تا سوڭعى 3 جىل ىشىندە جۇرگىزىلگەن قايتا جاساۋ بارىسىندا اپاتتى جاعدايلار 10 پايىزعا تومەندەدى. جىلۋ ماۋسىمى باستالار الدىندا بىرنەشە ينجەنەرلىك جەلىلەر ىسكە قوسىلاتىن بولادى، بۇل وتكەن 2 جىلمەن سالىستىرعاندا ەداۋىر كوپ.

 ايتا كەتەيىك، 8 - تامىز كۇنى قالا اكىمى باۋىرجان بايبەك قالانىڭ جول جانە ينفراقۇرىلىمدارىن قايتا جاساۋ بارىسىندا ەرلان اۋكەنوۆكە سوگىس جاريالاعان بولاتىن. ەرلان اۋكەنوۆتىڭ وقۋ دەمالىسى كەزىندە الماتى قالاسى اكىمىنىڭ ورىنباسارى مىندەتىن اتقارۋشى بولىپ الماس مادييەۆ تاعايىندالدى، ول بۇعان دەيىن كاسىپكەرلىك جانە يندۋستريالدى- يننوۆاتسيالىق باسقارمانىڭ باسشىسى قىزمەتىن اتقارعان ەدى. الماس مادييەۆ ماماندىعى بويىنشا ينجەنەر- ەكونوميست، زاڭگەر، جامبىل جەڭىل جانە تاماق ونەركاسىبى تەحنولوگيالىق ينستيتۋتىن، ك. ا. ياسساۋي اتىنداعى حالىقارالىق قازاق- تۇرىك ۋنيۆەرسيتەتىن بىتىرگەن. ءتۇرلى جىلدارى جامبىل تەحنولوگيالىق ينستيتۋتىندا وقىتۋشى، جامبىل وبلىسى اكىمدىگى ەكونوميكا جانە بيۋدجەتتىك جوسپارلاۋ باسقارماسىندا جەتەكشى مامان، جامبىل وبلىسى اكىمى اپپاراتىنىڭ قارجى جانە الەۋمەتتىك قورعاۋ بولىمدەرىنىڭ باسشىسى، جامبىل وبلىسى اكىمدىگى ەكونوميكا جانە بيۋدجەتتىك جوسپارلاۋ جانە كاسىپكەرلىك پەن ونەركاسىپ باسقارمالارىنىڭ باسشىسى، «ۇ ك «ا ك ك «وڭتۇستىك» ا ق- نىڭ قارجى ديرەكتورى، باسقارۋشى ديرەكتورى، باسقارما ءتوراعاسىنىڭ ورىنباسارى، «قازاقستاننىڭ ينۆەستيتسيالىق قورى» ا ق- نىڭ قارجى دەپارتامەنتىنىڭ ديرەكتورى، «ۇ ك «ا ك ك» پاۆلودار» ا ق- نىڭ باسقارما ءتوراعاسى، جامبىل وبلىسى كاسىپكەرلىك جانە يندۋستريالدى- يننوۆاتسيالىق دامۋ باسقارماسىنىڭ باسشىسى قىزمەتتەرىن اتقارعان.

 اۆتور: الماس مۇقاش ۇلى