نۇرسۇلتان نازاربايەۆ تومەن بايىتىلعان ۋران بانكىن اشتى
سالتاناتتى شارا بارىسىندا قازاقستان پرەزيدەنتى ماگاتە- نىڭ باس ديرەكتورى يۋكيا امانوعا بانكتىڭ سيمۆولدىق كىلتىن تابىس ەتتى، دەپ حابارلايدى قازاقپارات.
2011 -جىلعى 29 - شىلدەدە قازاقستان ءوز اۋماعىندا تومەن بايىتىلعان ۋران بانكىن ورنالاستىرۋ نيەتى تۋرالى رەسمي ءوتىنىمدى حالىقارالىق اگەنتتىككە جىبەردى. وتىنىمدە قاراستىرۋ ءۇشىن ەكى الاڭ ۇسىنىلدى، ياعني وسكەمەندەگى ءۇلبى مەتاللۋرگيالىق زاۋىتى جانە بۇرىنعى سەمەي سىناق پوليگونى اۋماعىنداعى №5 الاڭى قامتىلدى. 2011 -جىلى 29 - تامىزدان 2 - قىركۇيەك ارالىعىندا اتوم ەنەرگياسى جونىندەگى حالىقارالىق اگەنتتىكتىڭ تەحنيكالىق ميسسياسى قوسىلىعان الاڭداردى قارىپ، ءۇلبى مەتاللۋرگيالىق زاۋىتىن تاڭدادى. بۇل 65 جىلدىق تاريحى بار كاسىپورىن، ونىڭ 45 جىلدان استام مەرزىمىندە وسىنداي ماتەريالمەن جۇمىس ىستەۋ تاجىريبەسى بار. 2015 -جىلدىڭ 27 - ساۋىرىندە قازاقستان ۇكىمەتى ءوز قاۋلىسىمەن ەلىمىزدە ماگاتەنىڭ تومەن بايىتىلعان ۋرانبانكىن «ءۇلبى مەتاللۋرگيالىق زاۋىتى» ا ق- ىندا ورنالاستىرۋ تۋرالى كەلىسىمگە قول قويۋدى ماقۇلداعان بولاتىن. سول جىلدىڭ 27 - تامىزىندا كەلىسىمگە قازاقستان تاراپىنان ەرلان ىىدىرسوۆ پەن ماگاتە- نىڭ باس ديرەكتورى يۋكيا امانو قول قويعان ەدى. ماگاتە تومەن بايىتىلعان ۋران بانكى جوباسىن جۇزەگە اسىرۋ ءۇشىن يادرولىق قاۋىپ- قاتەرگە قارسى باستامادان 50 ميلليون دوللار، ا ق ش ۇكىمەتىنەن 49 ميلليون دوللار، ەۋروپا وداعىنان 25 ميلليون ەۋرو (فيزيكالىق قاۋىپسىزدىك جۇيەسىن جاڭارتۋعا 5 ميلليون ەۋرونى قوسا العاندا) ، بىرىككەن اراب امىرلىكتەرىنەن 10 ميلليون دوللار، كۋۆەيتتەن 10 ميلليون دوللار، نورۆەگيادان 5 ميلليون دوللار، قازاقستاننان قوسىمشا زاتتاي جارنالار، ماگاتە تومەن بايىتىلعان ۋران بانكىن ۇستاۋ شىعىندارىن قوسا العاندا 400 مىڭ دوللار جارنا العان ەدى.
وتكەن جىلدىڭ جەلتوقسان ايىندا مەملەكەت باسشىسى نۇرسۇلتان نازاربايەۆ «قازاقستان رەسپۋبليكاسىنىڭ ۇكىمەتى مەن اتوم ەنەرگياسى جونىندەگى حالىقارالىق اگەنتتىك اراسىنداعى قازاقستان رەسپۋبليكاسىندا اتوم ەنەرگياسى جونىندەگى حالىقارالىق اگەنتتىكتىڭ تومەن بايىتىلعان ۋران بانكىن قۇرۋ تۋرالى كەلىسىمدى راتيفيكاتسيالاۋ تۋرالى» قازاقستان رەسپۋبليكاسىنىڭ زاڭىنا قول قويدى. ءۇلبى مەتاللۋرگيالىق زاۋىتى قويماسىندا ماگاتە- نىڭ 90 توننا تومەن بايىتىلعان ۋرانى ساقتالاناتىن بولادى. قازاقستان ءىرى ۋران ءوندىرۋشى جانە جوعارى بايىتىلعان ۋراندى تومەن بايىتىلعان ۋران فورماسىنا قايتا وڭدەۋ مۇمكىندىكتەرىنە يە بولا وتىرىپ، بەيبىت يادرولىق ەنەرگەتيكانى دامىتۋعا ءوز ۇلەسىن قوسۋعا نيەتتى.
اۆتور: مارلان جيەمباي