نەلسون لوپەس قانات يسلامنىڭ جاتتىعۋى تۋرالى ايتىپ بەردى
«جاتتىعۋىمىز وتە جاقسى. قاناتتى ۇزدىك جاتتىقتىرۋشىلار دايىنداپ جاتىر. ول بۇعان لايىق. ءبىز قازىرگى جاتتىعۋ بارىسىن تەك كەلەسى جەكپە-جەككە عانا ەمەس، سونىمەن قاتار بولاشاققا ارناپ جاتىرمىز. قازىر قانات يسلامنىڭ داۋىرلەپ تۇرعان شاعى. ءبىز الماتىداعى تاۋ بوكتەرىندە جاتتىعۋ وتكىزدىك. قازىر استانادا دايىندالىپ جاتىرمىز. وسى اپتادا دايىندىعىمىزدى باستاعانىمىزعا 8 اپتا بولدى. قانات يسلام بابىندا»، - دەدى نەلسون لوپەس.
ايتا كەتەيىك، 9 -قىركۇيەك كۇنى استاناداعى «سارىارقا» ۆەلوترەگىندە قانات يسلام (24-0, 19ك و) كانادالىق برەندون كۋكپەن (18-0, 11ك و) كەزدەسەدى. بۇل جەكپە-جەكتە «QAZAQ» WBO، NABO جانە WBA Inter- Continenta بەلبەۋلەرىن قورعايدى.
وسى جەكپە- جەكتىڭ اندەركاردىندا 8 قازاقستاندىق بوكسشى ونەر كورسەتەدى. ولار - جانقوش تۇراروۆ (21-0، 15 ك و)، جانىبەك ءالىمحان ۇلى (1-0، 1 ك و)، مەيىرىم نۇرسۇلتانوۆ (3-0، 2ك و)، رۋسلان مىرساتايەۆ (3-0، 3 ك و)، ءالي احمەدوۆ (7-0،5 ك و)، ايدوس ەربوسىن ۇلى (6-0، 6 ك و)، ديماش نيازوۆ (11-0-3، 5 ك و) جانە نۇرسۇلتان جاڭابايەۆ (2-0, 1ك و). بارلىق بوكسشىلارىمىز وسى ۋاقىتقا دەيىن بىردە- ءبىر رەت جەڭىلمەگەن.